«Пәраўан шаңарақ жәмийет раўажланыўының тийкары»  темасындағы илажлар



Өзбекстан Республикасы Президентиниң 2018-жыл 2-февраль күнги «Ҳаял-қызларды қоллап-қуўатлаў ҳәм шаңарақ институтын беккемлеў тараўы жумысын түптен жетилистириў ис-илажлары ҳаққында»ғы ПФ-5325-санлы ҳәмде 2019-жыл 9-январь күнги «Жәмийетте ҳуқықый сана ҳәм ҳуқықый мәдениятты асырыў системасын түптен жетилистириў ҳаққында»ғы ПФ-5618-санлы Пәрманларының орынланыўы, Өзбекстан Республикасы Министрлер Кабинети жанындағы «Оила» илимий әмелий изертлеў орайының 2019-жыл 11-январь күнги 1-санлы бийлигине муўапық, 2019-жылдың 25-январь күнинен 5-февраль күнлери аралығында «Пәраўан шаңарақ – жәмийет тийкары» темасында үгит-нәсиятлаў илажларының он күнлиги шеңберинде, Қанлыкөл районында билимлендириў мекемелери менен мәмлекетлик мекемелеринде үгит-нәсиятлаў илажлары өткерилди.

«Пәраўан шаңарақ – жәмийет тийкары» темасындағы үгит-нәсият илажларының мақсети, шаңарақ институты беккемлигин сақлаў, саламат шаңарақ-саламат жәмийет тийкары екенлиги, шаңарақлардың үлгили тәрепин көрсетиў, шаңарақ, жәмийет ҳәм мәмлекет қорғаўында екенлиги, пәраўан шаңарақ-жәмийет раўажланыўының тийкары, сондай-ақ, жоқары ҳуқықый мәденият мәмлекет раўажланыўының кепиллиги концептуал идеяларын кең жәмийетликке ен жайдырыў ҳәмде жаслар ҳәм ата-аналардың санасына күнделикли турмыста ҳуқықый мәденият, ҳуқықый саўатқанлығын  асырыў, шаңарақлық дәстүрлер түсиниклерин сиңдириў жумысларын алып барыўға қаратылған.

Үгит-нәсият илажлары, районлық ҳаял-қызлар комитети, «Оила» илимий әмелий орайының районлық бөлими, «Қанлыкөл хабарлары» редакциясы тәрепинен  пуқаралардың өзин-өзи басқарыў уйымларында семинар тренинглер менен улыўма билимлендириў мектеплеринде «Шаңарақ-муқаддес дәргай», «Шаңарақ-мектеп-мәҳәлле» темаларында үгит-нәсият илажлары менен мектеп оқыўшылары арасында «Шаңарақта мен» темасында сүўрет жарыслары шөлкемлестирилди ҳәмде жеңимпазлар анықланып, шөлкемлестириўшилер тәрепинен «Ҳүрмет жарлық»лары тапсырылды.