Гәўҳар балшыққа түскени менен баҳасы түспейди



Қанлыкөл районында билимлендириў мекемелери менен мектепке шекемги билимлендириў мекемелеринде 9-февраль А.Наўайының туўылған күниниң 578 жыллығы мүнәсибети менен өмири ҳәм дөретиўшилигине бағышланған түрли таңлаўлар менен әдебий кешелер өткерилди.

Илажларда тийкарынан, өзбек халқының уллы шайыры, ғәззел мүлкиниң султаны А.Наўайының өмири менен дөретиўшилиги шығармалары ҳаққында баянатлар оқылып, А.Наўайы шығармаларының афоризмлери менен ғәззел, рубайыларынан үзиндилер айтылды.

Усындай илажлардың бири райондағы «Қосжап» аўыл пуқаралар жыйынындағы 2-санлы мектепке шекемги билимлендириў мекемесинде өткерилген әдебий кеше даўамында, үлкен топар тәрбияланыўшылары атқарыўында  А.Наўайының «Бир тандыр қура алмаған, үй қура алмайды» ҳәдисинен сахналық көргизбелер инәм етилди ҳәм бақша тәрбияланыўшыларының аяқ ойыны менен даўам етти.

Жаслар арасындағы А.Наўайының дөретиўшилигине арналған  үгит-нәсият илажлар, Шығыстың белгили жети жулдызының бири А.Наўайыны өзбек әдебиятының тийкарын салыўшы сыпатында, оның әдебий мийрасларының түрли мазмунда классификаланыўының өзи, келешекти алдыннан көре алыўы, өз заманы халқының  турмысын дөретиўшилигинде ашып бере алған, өзбек халқының миллий тарийхы, уллы тулғаларын сүўретлеген қол жазба мийраслары келешек әўладлардың ата бабаларының өтмиши, тарийхы менен танысыўына тийкар болады.