Қанлыкөлда оқыў шынығыўлары басланды  



Өзбекстан Республикасы Президентиниң 2018-жыл 15-16-ноябрь күнлери Қарақалпақстан Республикасында болған сапары даўамында берилген тапсырмалары ҳәм кеңейтирилген мәжилиси баянламасының 116-бәнти ҳәм Өзбекстан Республикасы Президенти Админстрациясының 2019-жыл 4-январь күнги 75 хдфу-санлы хатына муўапық, билимин жетилистириў бойынша оқыў шөлкемлестирилди.

Оқыў шынығыўлары  Қарақалпақстан Республикасынының тәжирийбели профессор оқытыўшылар менен тийисли тараў қәнигелери тәрепинен райондағы диний тараў хызметкерлери менен пуқаралардың өзин-өзи басқарыў уйымларының ҳаял-қызлар менен ислесиў бойынша қәнигелери, профилактика инспекторлары ҳәм  пасбанлары оқытыў басланды.

Оқыў шынығыўлары даўамында,  Өзбекстан Республикасы Президентиниң ҳәмде Ҳүкиметимиз тәрепинен қабыл етилген Пәрман ҳәм қарарлардың ҳәр бир тараўда орынланыўы, әмелге асырылған илажларда, сондай-ақ, жумыста ҳәм шаңарақта жәмийетшиликте жүзеге шығып атырған машқалаларға өз ўақтында шешим табыў, қыйыншылықларды сапластырыў бойынша алып барылып атырған жумысларда тәжирийбели оқытыўшылар тәрепинен мысаллар менен кең түрде түсиниклер берилди.

Соның менен бирге оқыў барысында қызықлы шынығыўлар, психологиялықсораў-жуўаплар өткерилди, қатнасыўшылар өзлериниң тараўлары бойынша қызықтырған сораўларына жуўаплар алды ҳәмде алдында исленетуғын жумыслар менен илажлар ҳаққында өз-ара пикир алмасылды.

Районда билимин жетилистириў бойынша оқытыў илажлары бир ҳәпте даўамында әмелге асырылады.