«Пидайы жаслар» патруллык топары ҳәрекетте



Өзбекстан Республикасы Президентиниң 2018 жыл 24-декабрь күнги «Жәмийетлик қәўипсизликти тәмийинлеў нәтийжелилигин асырыў бойынша қосымша ис-илажлар ҳаққында»ғы ПҚ-4075-санлы Қарарына муўапық, Қанлыкөл районында «Пидайы жаслар» патруллык топарлары тәрепинен түнги рейдлерлер өткерилмекте.

Пуқаралардың өзин-өзи басқарыў уйымлары жумысын муўапықластырыў бойынша районлық Кеңеси, районлық ишки ислер бөлими, Өзбекстан Жаслар аўқамы районлық Кеңеси, районлык қорғаныў бөлими менен биргеликте тастыйықланған қоспа қарар тийкарында район аймағынан жәми 50 ден аслам жаслар қурамында «Пидайы жаслар» патруллык топарлары турақлы түрде ҳәр күни түнги рейдлер шөлкемлестирилип келинбекте.

«Пидайы жаслар» патруллық топарларының мақсети, район аймағында жәмийетлик тәртипти сақлаў, ҳуқықбузарлықлардың алдын алыў, сондай-ақ, жаслар ҳәм жас өспиримлердиң белгиленген ўақыттан кейин ата-анасы яки оның орнын басыўшы шахсларсыз биймезгил жүриўлериниң ҳәмде жүз бериўи мүмкин болған түрли унамсыз жағдайлардың алдын алыўға қаратылған.

Сондай-ақ, райондағы пуқаралардың өзин-өзи басқарыў органларында жәмийетшилик қадағалаў орынларында 24 саат даўамында жумыс алып барылмақта.