Исбилерменлер ортасындағы көп тармақлы тараўлар



Қанлыкөл районы аймағындағы «Елмуратов Назарбай» шаңарақлық жеке исбилермен Н.Елмуратов пельмен өнимин ислеп шығарыўды жолға қойды.

Исбилермен Өзбекстан Республикасы Президентиниң 2018-жыл 7-июнь күнги «Ҳәр бир шаңарақ исбилермен» мәмлекетлик дәстүрин әмелге асырыў ҳаққында»ғы ПҚ-3777-санлы қарары тийкарында, коммерциялық банклердиң Қанлыкөл филялы жәми 60 млн сўм муғдарында жеңиллетилген кредит қаржысы есабынан Қытай мәмлекетинен JZ-260 маркалы пельмен ислеп шығарыўшы үскенесин барлық қурылмалары (комплекти) менен алып келди ҳәм пельмен өнимин ислеп шығарып, базарға шығарыўды баслады.

Ислеп шығарыў үскенеси қарар талаплары негизинде тийисли мекемелер тәрепинен жеткерип берилди.

Аралас затлар сатыў менен шуғылланыўдан баслаған исбилермен ҳәзирги күнде  2 адамды турақлы жумыс пенен тәмийинледи.