Аўғанстан урысына барған азаматлар ушын байрам илажы



Қанлыкөл районында Аўғанстан урысының тамам болған күниниң 30 жыллығы ҳәмде Өзбекстан «Ветеран» жаўынгер ветеранлар ҳәм нагиранлар бирлеспесиниң дүзилгенлигиниң 25 жыллығы мүнәсибети менен байрам илажлары кең түрде шɵлкемлескенлик пенен өткерилди.

Байрам илажы район орайындағы «Ҳәсиретли ана» естелигине гүл шеңберлер қойыў менен басланды.

Ҳәзирги күнде район бойынша жәми 35 Аўғанстан урысы қатнасыўшыларына ҳәм нураный ветеранлар ушын байрам мүнәсибетине арналған ушырасыў шөлкемлестирилип, онда район ҳәкими тәрепинен байрам менен қутлықлады, ел тынышлығы жолында көрсеткен пидәкерлик мийнетлери менен ана ўатанға болған садықлық хызметлерин еске алды.

Ушырасыў даўамында, районлық мәденият тараўы хызметкерлери тәрепинен концерт бағдарламасы инәм етилди.

Буннан кейин байрам мүнәсибети менен райондағы аўқатланыў орнында нураный ветеранларға байрам дәстурханы жайылды