Районда жумыссызлар менен ушырасыў өткерилди



Қанлыкөл районы ҳәкимлиги, «Өнермент» бирлеспеси Қоңырат районы бөлими ҳәмде  бәнтликке көмеклесиў орайының районлық бөлими тәрепинен район аймағындағы жумыссызлар менен ушырасыў шөлкемлестирилди.

Ушырасыўдың тийкарғы мақсети, халқының жасаў жағдайын жақсылаў, социаллық қорғаўға мүтәж шаңарақ ағзалары арасында мийнетке жарамлы жумыссыз қатламының бәнтлигин тәмийинлеў, исбилерменлик, киши бизнес, өнерменшилик жумыслары менен үй мийнети тийкарында районда жумыссызлықты сапластырыў, исбилерменлик субъектлериниң жумысын кеңейтиў менен жаңа жумыс орынларын жаратыў, коммерциялық банклер тәрепинен берилип атырған жеңиллетилген мақсетли кредитлерден өнимли пайдаланыў тәртиби ҳаққында түсиндириў жумысларын алып барыўға қаратылған.

Ушырасыў даўамында, Өзбекстан Республикасы Президентиниң Өнерментшиликти раўажландырыў ҳәм оларды ҳәр тәреплеме қоллап-қуўатлаў ҳаққындағы пәрманы тийкарында, халық арасында өнерментлерди анықлаў ҳәмде өнермент орайына ағзалыққа қабыл етиў, Арал апатшылығынан жәбир көрген районлар ишинде Қанлыкөл районыда киргенлиги, усы тийкарда өнерментлер ушын жаратылған имканиятлардан пайдаланыўды үгит-нәсиятлаў, сондай-ақ, шаңарақлық исбилерменлик пенен шуғылланыўшылар ушын «Ҳәр бир шаңарақ-исбилермен» дәстүри тийкарында жеңиллетилген кредити есабынан исбилерменлигин шөлкемлестириў есабынан халықтың бәнтлигин тәмийинлеў бойынша қарарлардың талаплары бойынша имканиятлардан дурыс өнимли пайдаланыў бойынша мағлыўматлар берилди ҳәмде пуқаралардың мүрәжатлары тыңланды.

Ушырасыў барысында, бир қатар өнерментлер өзлериниң жумысын жүритиўде келип шығып атырған кемшиликлер ҳәмде жер орын алыў бойынша мәселелери ҳаққындағы мүрәжатлери бойынша тийисли тараў басшыларына тапсырмалар берилди.

Пуқаралардың өзин-өзи басқарыў уйымлары ҳаял-қызлар менен ислесиў бойынша қәнигелерине үй мийнети тийкарында турақлы дәрамат дерегин жаратыўында өнерментшиликтиң барлық түринен пайдаланыўы бойынша жаратылған имканиятларды халыққа әсиресе жумыссыз ҳаял-қызларға жеткериў бойынша тапсырмалар берилди.