8-март «Халықаралық ҳаял-қызлар күни» байрамы куўанышлары



Елимизде бәҳәр пасылы менен гөззаллық әййямы болған 8-март «Халықаралық ҳаял-қызлар күни» байрамының кирип келиўин бәрқулла үлкен қуўаныш пенен күтип аламыз.

Быйылғы жылыда 8-март «Халықаралық ҳаял-қызлар күни» байрамы Қанлыкөл районында «Әлемниң куяшы - аналар» атлы байрам кешеси район орайындағы «Максима» ресторанында байрам дастурханы жайылып, көтериңки руўхта өткерилди.

Кешеде, халық хожалығындағы өзлериниң пидәкерлик мийнетлери менен белсендилик көрсетип киятырған ҳаял-қызлар ҳәм нураный ҳажы аналар қатнасты.

Байрам кешесинде район ҳәкими ў.ў.а Б.Аннақулов байрам қутлықлаўы менен ашып берилди ҳәмде район аймағындағы түрли тараўларда белсендилик пенен мийнет етип киятырған бир қатар ҳаял-қызларға район ҳәкиминиң «Ҳүрмет жарлығы» ҳәм байрам саўғалары тапсырылды. 

Байрам кешесинде, Қарақалпақстан Республикасы белгили эстрада жулдызлары Қ.Аметов ҳәмде А.Асқаровлар, соның менен бирге, районлық көркем-өнер тараўы хызметкерлери тәрепинен байрам кешесине бағышланған қосықлар, ҳәзиллер ҳәм аяқ ойынларынан ибарат концерт бағдарламасы усынылды.

Район аймағында байрамға арналған илажлар менен кешелер мекеме, кәрханаларда даўам етпекте.