Зайнаб апа «Мўътабар аёл» көкрек нышаны ийеси болды



Өзбекстан Республикасы Президентиниң 2018-жыл 2-февраль күнги «Ҳаял-қызларды қоллап-қуўатлаў ҳәм шаңарақ институтын беккемлеў тараўындағы жумысын түп-тийкарынан жетилистириў илажлары ҳаққында»ғы ПФ-5325-санлы пәрманы тийкарында шөлкемлестирилген «Мўътабар аёл» көкрек нышаны менен республикамыз бойынша бир қатар мийнет белсендилери сыйлықланған еди.

Қанлыкөл районы «Қанлыкөл» посёлка пуқаралар жыйынында жасаўшы, районлық көп тармақлы медицина бирлеспеси акушер гинекологи Зайнаб Гаппарова районда болып атырған илажларда, өмир жолындағы ҳәм мийнетлериндеги жетискенликлери менен «Мўътабар аёл» көкрек нышаны менен сыйлықланды.

«Мўътабар аёл» көкрек нышаны менен сыйлықланған Зайнаб Гаппарованың сыйлығы ҳәмде байрам менен қутлықлап,  район ҳәкими атынан «Ташаккурнома»сы менен естелик саўғалары берилди.