Қанлыкөл районынан 2018-жыл даўамындағы экспорт прогнозы көрсеткишлери



 

Қанлыкөл районында 2018-жыл ушын 1519,0 мың АҚШ доллары муғдарында санаат өнимлери ҳәм 51,0 мың АҚШ доллары муғдарында мийўе-овощ өнимлери  -  жәми район бойынша 1570,0 мың АҚШ доллары муғдарында экспорт прогноз көрсеткишлери белгиленген еди.

Соннан 2018-жыл жуўмақлары бойынша 1696,2 мың АҚШ доллары муғдарында санаат өнимлери ҳәм (111,7%),  62,1 мың АҚШ доллары муғдарында мийўе-овощ өнимлери (121,8%) -  жәми район бойынша 1758,3 мың АҚШ доллары муғдарында өнимлер экспорт қылынып, жыллық реже 112,0 пайызға орынланды.

Экспортқа өнимлерди шығарыўда кәрханалар кесиминде:

 -  «Kamcho Industry» жуўапкершилиги шекленген жәмийети тәрепинен 76,2 мың (соннан 39,9 мың АҚШ доллары муғдарында санаат өнимлери ҳәм 36,3 мың долларлық  мийўе-овощ өнимлери) АҚШ доллары,

 - «Nukus licorise» жуўапкершилиги шекленген жәмийет түриндеги Өзбекстан-Уллы Британия қоспа кәрханасы тәрепинен 168,2 мың АҚШ доллары,

- «Oltinkul azamatlari» агрофирмасы тәрепинен 31,6 мың (соннан 5,8 мың санаат өнимлери ҳәм 25,8 мың АҚШ доллары муғдарында мийўе-овощ өнимлери) АҚШ доллары,

-  «Qonlikul bio invest» жуўапкершилиги шекленген жәмийети тәрепинен 204,9 мың,  

- «Likorice impix» жуўапкершилиги шекленген жәмийети тәрепинен 49,7 мың АҚШ доллары,

- «Licorice engineering» жуўапкершилиги шекленген жәмийети тәрепинен 877,3 мың,

- «Great Wall Development» жуўапкершилиги шекленген жәмийети тәрепинен 158,4 мың АҚШ доллары,

-  «Eko fud Nukus »  жуўапкершилиги шекленген жәмийети тәрепинен 145,4 мың,

- «Qanlikul Agro Impex»  жеке кәрханасы тәрепинен 46,6 мың АҚШ доллары муғдарында өнимлер экспортқа шығарылды, 2018-жыл экспорт прогноз көрсеткишлери артығы менен орынланды.

Қанлыкөл районына 2019-жыл ушын 1648,0 мың АҚШ доллары муғдарында санаат өнимлери ҳәм 56,0 мың АҚШ доллары муғдарында мийўе-овощ өнимлери -  жәми район бойынша 1704,0 мың АҚШ доллары муғдарында экспорт прогноз көрсеткишлери белгиленген.

Ҳәзирги күнде район аймағында 2019-жыл басынан жәми 7 кәрхана өнимлерди экспортқа шығарыў менен шуғылланбақта.