«Yoshlar kelajagimiz» Мәмлекетлик дәстүри бойынша



 

Қанлыкөл районында «Yoshlar kelajagimiz» Мәмлекетлик бағдарламасы бойынша жас исбилерменлер менен исбилерменлик пенен шуғылланыў нийетиндеги жаслар арасында алып барылып атырған жумысларға арналған ушырасыў шөлкемлестирилди.

 Ушырасыў барысында, «Yoshlar kelajagimiz» Мәмлекетлик бағдарламасында жаслардың әсиресе жәмлеспеген жаслардың қатнасын тәмийинлеў, бағдарлама тийкарында жумыс баслаған исбилерменлер тәрепинен жаратылған жаңа жумыс орынларының жаратылыўы, мәмлекетлик ҳәм мәмлекетлик емес шөлкемлер менен социаллық шериклик байланысларын жолға қойыў, елимизде жаслар исбилерменлигиниң раўажланыў барысын ҳәм олардың бүгинги жағдайын анализ етиў, машқалаларды анықлаў, оларды шешиў имканиятларын үйрениў, жаслар исбилерменлигиниң келешеги бойынша усыныс ҳәм мәсләҳәтлер ислеп шығыў бойынша мағлыўматлар берилди.

Сондай-ақ, ушырасыўда жаслар өзлериниң сораўларына жуўаплар алды ҳәмде исбилерменлик жумыслары бойынша ашық сәўбетлесиўлер болды.

Ушырасыў даўамында, Қарақалпақстан Республикасы Прокуратурасы аға прокуроры Б.Рахимов,  «Yoshlar kelajagimiz» фонды Нөкис қаласы филиалы баслығы Б.Бахбергенов, Қарақалпақстан Республикасы Мәмлекетлик Салық басқармасы қәнигеси А.Досбергенов, Өзбекстан Жаслар аўқамы районлық Кеңеси баслығы Р.Қалимбетов, «Yoshlar kelajagimiz» фонды районлық филиалы баслығы А.Қурбанбаев, бир қатар тийисли тараў қәнигелери, колледж питкериўшилери ҳәм жаслар қатнасты.