Әскерий спорт жарысының районлық басқышы



 

Қанлыкөл районында, район ҳәкимлиги, Өзбекстан Жаслар аўқамының районлық Кеңеси,  районлық ишки ислер бөлими, районлық қорғаныў бөлими ҳәмде районлық халық билимлендириў бөлими менен биргеликте «Темурбеклер» әскерий спорт жарысының районлық басқышы өткерилди.

Спорт жарысының мақсети, оқыўшы жасларының бос ўақтын мазмунлы өткериў, олар ортасында саламат турмыс тәризин үгит-нәсиятлаў, мәдений спорт түрлерин жолға қойыў ҳәмде жасларды спорт ойынларына бәршени қамтып алыў, дәслепки әскерий ҳәм психологиялық таярлыққа ийе ўатансүйгиш, жуўапкершиликли, қыйын ҳәм экстремал жағдайларда туўры ҳәрекетлениў көнликпелерин ийелеген баркамал әўладты тәрбиялаўға қаратылған.

Район аймағындағы билимлендириў мекемелери командалары, әскерий спорт жарысы даўамында, 9 шәрт бойынша беллести ҳәмде жарыс нызам қағыйдалары тийкарында баҳаланды.

Жарыс жуўмағында 23-санлы улыўма билим бериў мектебиниң «Лашынлар» командасы 1-орынды алыўға ерисип, шөлкемлестириўшилер тәрепинен сыйлықланды ҳәмде кейинги басқышқа жоллама алыўға еристи.