Ҳаял-қызлар арасында спортты ғалабаластырыў



Қанлыкөл районында ҳаял-қызлар арасында саламат турмыс тәризин қәлиплестириў ҳәм ғалабалық спорт жарысларының жолға қойылыўы ҳәмде 8-март Халықаралық ҳаял-қызлар күни байрамын көтериңки руўхта өткериў мақсетинде «Қуўнақ стартлар» спорт жарыслары шөлкемлестирилди.

Жарыстың тийкарғы мақсети, ҳаял-қызлар арасында саламат турмыс тәризин қәлиплестириў, спорт шынығыўлары менен ойынларын күнделикли өмирде қолланыў сондай-ақ, аўқатланыў режиминда саламатлық қағыйдаларына әмел етиў, ден саўлығының беккемлениўине тийкар жаратыўдан ибарат.

Спорт жарыслары, районлық мектепке шекемги билимлендириў бөлимине қараслы мектепке шекемги билимлендириў мекемелери тәрбияшыларынан дүзилген топарлар қатнасында өткерилип, жарыс жеңимпазлары анықланды ҳәмде жеңимпаз топарларға шөлкемлестириўшилер тәрепинен «Ҳүрмет жарлық»лары тапсырылды.

Сондай-ақ илаж даўамында Ҳүкиметимиз қарарларын орынланыўында, түрли илажларда өзлериниң жумыс тәжирийбеси менен көзге түсип, үйде, жәмийетшиликте, жумысы даўамында белсендилик көрсетип киятырған мектепке шекемги билимлендириў мекемелериниң бир қатар тәрбияшыларына байрам саўғалары тапсырылды.