Қанлыкөлде «Көшпели қабыллаў»да мүрәжатларға унамлы шешим табылмақта



Қанлыкөл районында район ҳәкими менен сектор басшылары тәрепинен район аймақларындағы пуқаралар жыйынларында «Көшпели қабыллаў»лар шөлкемлестирилмекте.

 «Көшпели қабыллаў»дың мақсети, халықтың социаллық экономикалық ҳалаты, жасаў жағдайын жақсылаў, кем тәмийинленген қатламын азайтыў, бәнтлигин тәмийинлеў ҳәмде орынларда жүзеге шығып атырған машқалаларға шешим табыўға қаратылған.

 Усы жылдың март айының соңғы күнлери «Мәденият» аўыл пуқаралар жыйынында өткерилген қабыллаўлар даўамында сол аймақтағы тазадан салынған посёлкаға газ тармағын тартыў, ишки жолларды оңлаў, аймақтағы «Жаслар» жабын қазып тазалаў, үй алды қыйтақ жерлерди суўғарыўды қадағалаў, ишимлик суўы мәселеси ҳәмде район орайындағы «Алтынкөл» станциясында кассада жолаўшылар билетлерин сатыўды жолға қойыў ҳаққындағы мүрәжатлар тыңланып, бул мүрәжатлерди шешиў бойынша бир қатар районлық мекемелер басшыларына тапсырмалар берилди. 

Бүгинги күнге келип, «Көшпели қабыллаў»да аймақта жасаўшы нураный Ж.Узақбергенов  пенен П.Даўлетмуратовлар тәрепинен усынылған үй алды қыйтақ жерлерди суўғарыў бойынша мүрәжаты бойынша «Жаслар» жабы  тазаланды ҳәм усы аймақтағы тазадан салынған посёлкаға салмалар қазылып, суў жеткерип берилди.