Исбилерменликти баслаўшы жаслар қатнасында семинар



Өзбекстан Республикасы Президентиниң 2019-жыл 7-март күнги «Аймақларда халықты исбилерменликке кең қамтып алыў ҳәм шаңарақлық исбилерменликти раўажландырыўға байланыслы қосымша ис-илажлар ҳаққында»ғы ПҚ-4231-санлы қарары талапларының орынланыўы бойынша Қанлыкөл районында семинар өткерилди.

Семинардың мақсети, аймақ халқының исбилерменлигин ҳәр тәреплеме қоллап-қуўатлаў, жеке ҳәм шаңарақлық бизнес режелерин дүзиўде, бизнес пенен шуғылланыўы ушын қолайлы шәраятлар, жумыс орынларының жаратылыўына, аймақларда жумыссыз жаслар менен ҳаял-қызлардың өнерментшилик тийкарында кестешилик, усташылық ҳ.т.б. өним жетистириў ҳәм қайта ислеў бойынша «Бир мәҳелле – бир өним» сүрени менен жумыс алып барыў сыяқлы жумыслар менен өзин-өзи бәнтлиги тәмийинлениўине қаратылған.

Семинар даўамында, саўда санаат палатасы, коммерциялық банклердиң районлық филиалы, Өзбекстан Жаслар аўқамы районлық Кеңеси, пуқаралардың өзин-өзи басқарыў органлары менен тийисли мекеме, кәрханалар хызметкерлеринен дүзилген комиссия ағзалары менен биргеликте «Ҳәр бир шаңарақ исбилермен» дәстүри тийкарында  исбилерменлик жумысы менен шуғылланыў тилегин билдирген, исбилерменлик жумысын кеңейтиў ҳәмде бәнт болмаған жаслардың талапларына бола, өз исбилерменлигин баслаў, мақсетли раўажландырыў, кеңейтиў ҳәмде жеңиллетилген кредит қаржыларын ажыратыў бойынша  6 ай жеңиллик пенен 3 жыллық мүддетке берилетуғынлығы ҳаққында түсиниклер берилди.

Сондай-ақ, Ҳүрметли Президентимиздиң «Ҳәр бир шаңарақ исбилермен» дәстүри,  «Жаслар келешегимиз» мәмлекетлик дәстүри, өнерментшиликти қоллап-қуўатлаў ҳәм раўажландырыў, фермерлик ҳәм қыйтақ жерлерден өнимли пайдаланыў ҳәмде халықтың бәнтлигин тәмийинлеў бойынша қабыл етилген қарар ҳәм пәрман талапларының орынланыўы барысында жаратылған жеңилликлерден нәтийжели пайдаланыў  бойынша мағлыўматлар берилди. 

Семинарда оқыўшы жаслар менен исбилерменликти баслаў, оны жүритиў ҳәмде кеңейтиў бойынша өзлериниң қызықтырған сораўларына жуўаплар алды.