Ҳаял-қызлар арасында дене тәрбия шынығыўлары



Өзбекстан Республикасы Президентиниң 2018-жыл        20-сентябрь күнги дене тәрбия ҳәм спорт тараўын раўажландырыў мәселелери бойынша берилген ўазыйпаларының орынланыўы бойынша, ҳаял-қызлардың саламатлығын асыраў мақсетинде, ҳәр айдың екинши ҳәптеси ҳаял-қызлар спорт ҳәптелиги деп белгиленген.

Усы мүнәсибет пенен Қанлыкөл районлық ҳаял-қызлар комитети тәрепинен район аймағындағы «Бахытлы» дем алыў бағында ҳаял-қызлар қатнасында массалық-ғалабалық дене тәрбия шынығыўлары шөлкемлестирилди.

Дене тәрбия шынығыўларына райондағы мекеме, кәрханаларда ислеўши ҳәмде аймақлардағы жумыссыз үй бикелери қатнасты.

Ҳаял-қызлар арасында өткерилип атырған бул илажлар ҳаял-қызлардын  саламат турмыс тәрзин қәлиплестириў, ден саўлығына жетерли дәрежеде итибарлы болыў, бос ўақытларынан үнемли пайдаланыў ҳәмде ҳаял-қызлар арасында спорттың ғалабалығына ерисиўине тийкар болады.