Экономикалық зона жойбары ушын 7 га жер ажыратылды



Өзбекстан Республикасы Министрлер Кабинетиниң 2018-жыл 16-январь күнги «Өзбекстан Республикасы Президентиниң 2017-жыл 25-октябрь күнги «Еркин экономикалық зоналар ҳәм киши санаат зоналары жумысы нәтийжелилигин асырыў бойынша қосымша ис-илажлар ҳаққында»ғы ПҚ-3356-санлы қарарын әмелге асырыў ис-илажлары ҳаққында»ғы 29-санлы қарарына өзгертиў киритиў ҳаққындағы қарары талап ҳәм тапсырмалары негизинде Қанлыкөл районында бир қатар илажлар әмелге асырылмақта.

Илажлар барысында, райондағы «Бостан» аўыл пуқаралар жыйыны аймағында жайласқан майданы 7,0 гектардан ибарат бос турған жер участкалары «Нөкис-фарм» Еркин экономикалық зонасының аймағына киритилди.

Экономикалық зонасы тәрепинен жойбарларды әмелге асырыўда исбилерменлик субъектлерине төмендеги салық ҳәм бажыхана жеңилликлери берилген.

  1. Жер салығы;
  2. Дәрамат салығы;
  3. Юридик шахслар мүлк салығы;
  4. Абаданластырыў ҳәм социаллық инфраструктураны раўажландырыў салығы;
  5. Микрофирма ҳәм киши кәрханалар ушын бирден-бир салық төлеми;
  6. Республика жол жамғармасына ҳәмде билимлендириў ҳәм медицина мекемелериниң материаллық-техникалық базасын раўажландырыў жамғармасына мәжбүрий ажратпалардан;
  7. Мәмлекетимизде ислеп шығарылмайтуғын ҳәм жойбарларды әмелге асырыўда сырт елден келтирилген қурылыс материаллары ушын бажыхана төлемлеринен;
  8. Өзиниң ислеп шығарыў мүтәжликлери ушын сырт елден келтирилген әсбап-үскенелер, шийки зат өнимлери, материаллар ҳәм қурам бөлеклери ушын бажыхана төлемлеринен.

Бул берилген майдандағы жерлер исбилерменлик субъектлерине инвестиция жойбарларын әмелге асырыў белгиленген болып фармацевтика тараўын шөлкемлестириў бойынша имарат салыў бойынша жумыслар алып барылмақта.