Районда  улыўма халықлық қайырхомлық шембилиги белсендилик пенен өткерилди



Өзбекистан Республикасы Министрлер Кеңесиниң 2018-жыл 10-март күнги  187-санлы  бийлиги тийкарында Қанлыкөл районы аймақларында усы жылдың 18-19-март күнлери улыўма халықлық қайырхомлык шембилиги өткерилди.

Улыўмахалықлық Наўрыз байрамын көтериңки руўхта өткериў ҳәмде  өз-ара ҳүрмет-иззет ҳәм бирге ислесиўди жәнеде күшейтиў, бийғәрез жәрдем меҳир мириўбетлилик сыяқлы пазыйлетлерди жүзеге шығарыўда мәҳәллелерди, халықтың турар жайларын абаданластырыў ҳәм санитариялық жағдайын жақсылаў мақсетинде районда улыўма халықлық қайырхомлык шембилиги азанғы саат 8:00 де басланып, күн даўамында алып барылды.

Улыўма халықлық қайырхомлык шембиликке районлық мекемелер, кәрхана, шөлкемлер ҳәмде аймақларда шембиликте биринши күни 20 901, екинши күнинде   26 602 пуқаралар, соннан жаслардан биринши күни 16 802, екинши  күни 15 163 жаслар белсендилик пенен қатнасты.

Райондағы көп қабатлы үйлер ҳәм имаратлар әтираплары, еслеў майданлары,  жап-салмалар, көшелер ҳәм пиядалар жүрер жолы ҳәм балалар майданшаларын тазалаў, тереклерди ҳәклеў ҳәм форма бериў бойынша      (биринши күни 76 га) 136 гектар жер майданларына тазалаў жумыслары алып барылды.

Район аймағындағы социаллық қорғаўға мүтәж кекселер, пенсионерлер ҳәм майыплар, жалғыз баслы қариялар, кем тәмийинленген  ҳәм бағыўшысын жоғалтқан шаңарақлардың үй-жайларының әтирапларын тәртипке келтириў, жеңил сыбаў жумыслары бойынша (биринши күни 21) 27 шаңарақлардың үй қапталлары тазаланып қайырхомлық илажлары исленди.

Соның менен бирге, шембиликте орынлардағы абаданластырыў бойынша жыйналған шығындыларды жергиликли ҳәкимлик ҳәм жуўапкер кәрханалар тәрепинен (биринши күни  100т) 127 тонна шығынды арнаўлы белгиленген орынларға алып тасланды, жумыс барысында 20 автотранспортлар қатнасты.

Район аймағында шембилик жумыслары даўам етип, улыўмахалықлық Наўрыз байрамын жоқары руўхта өткериў ҳәм мүнәсип күтип алыў ҳәмде март, апрел айлары даўамында абаданластырыў ҳәм көклемзарластырыў бойынша илажлар алып барылады.