Президент басламасы ҳәрекетте



Өзбекстан Республикасы Президентиниң 2019-жыл 3-апрель күнги жаслар тәлим-тәрбиясы ушын қосымша шараятлар жаратыў, ҳаял-қызлар бәнтлигин асырыўға қаратылған комплекс ис-илажларды өз ишине алған 5 басламаның төртинши бәнти бойынша Қанлыкөл районы аймағындағы мәмлекетлик ҳәм мәмлекетлик емес шөлкемлер менен мекемелер басшылары тәрепинен өзлери билим алған мектеплерине китаплар саўға еткен еди.

Усындай илажлар шеңберинде, оқыўшы жаслар арасында китапханлықты раўажландырыў ҳәмде китапхана ашыў бойынша Ҳүрметли Президентимиз басламасы негизинде, Қанлыкөл районы аймағында «УМУ китаплары» ЖШЖ тәрепинен китап дүканы өз жумысын баслады.

Китап дүканында 80 атамадағы түрли миллет әдебиятлары менен қолланбалардан жыйналған китаплар қарыйдарлардың қәлеген усылында ижараға ҳәм сатып алыў мүмкиншилиги жаратылған, дүканда бир жас колледж питкериўшиси турақлы жумыс пенен тәмийинленди.

Район аймағында китап дүканының ашылыўы халқымызды әсиресе оқыўшы жасларымызды куўанышқа бөледи.

Илажда Өзбекстан Республикасы Олий Мажлис Нызамшылық палатасы депутаты З.Ханиязов, O‘zLiDePтиң Қарақалпақстан Республикасы  Кеңеси баслығы Ш.Өтемисов  қатнасты.