Шаңарақлар беккемлиги жолында



 

Қанлыкөл районы ҳаял-қызлар комитети, районлық «Оила» илимий әмелий орайының районлық бөлими, районлық ПҲАЖ бөлими менен районлық медицина бирлеспеси тәрепинен райондағы «Бескөпир» ҳәм «Арзымбетқум» аўыл пуқаралар жыйынларының шетки аймақларында ушырасыў шөлкемлестирилди.

Ушырасыўда шаңарақларда өз-ара мүнәсибетлер, шаңарақ ағзаларының орны, жас шаңарақларға  рәсмий ҳәм шаърий неке түсиниклери бойынша жәмийетшилик арасында үгит-нәсият жумыслары алып барылды.

Илаж даўамында аймақлардағы рәсмий некеден өтиў бойынша районлық ПҲАЖ бөлимине арза жазған 11 («Бескөпир» АПЖда 5, «Арзымбетқум» АПЖ 6) жас шаңарақлар рәсмий некеден өткерилди ҳәмде сол ўақытта шөлкемлестирилген районлық медициналық бирлеспеси қәнигелери қабыллаўында медициналық көриктен өткерилди.

Районда, «Саламат ана-саламат шаңарақ», «Беккем шаңарақ-жәмийет тиреги» темаларында алып барылып атырған үгит-нәсият илажларының жәмийетшиликте әсиресе жаслар менен жас шаңарақлар арасында өткерилиўи, оларда рәсмий ҳәм оның әҳмийети ҳәмде некеден алдынғы медициналық көриктиң әҳмийетин толық түсиниўге тийкар болмақта.