«Жаслар ҳәм нызам» таңлаўының районлық басқышы



Қанлыкөл районлық Халық билимлендириў бөлимине қараслы улыўма билим бериў мектеплеринде өткерилген «Жаслар ҳәм Нызам» Республикалық көрик таңлаўының аймақлық басқышында жеңимпаз болған топарлар қатнасында көрик таңлаўдың районлық басқышы өткерилди.

Районлық басқыш даўамында, улыўма билим бериў мектеплеринен жәми 7 жеңимпаз топарлар қатнасты ҳәмде  топарлар 3 шәрт (тест сораўлары, ҳуқуқый билимданлық, саҳналық көринислер)  бойынша  беллести.

Районлық  басқышы  жуўмағында, Ҳүкиметимиз тәрепинен қабыл етилген қарар ҳәм пәрманларында, мәмлекетимиздеги инсан ҳуқықы ҳәм еркинликлериниң ҳуқықый жақтан қорғалыўы бойынша өзлериниң ҳуқықый билимданлығы менен райондағы 2-санлы улыўма билим бериў мектеби топары сыйлы 1-орын жеңимпазы болды.

Таңлаўда жеңимпаз топар оқыўшылары таңлаўдың Қарақалпақстан Республикалық басқышына жолланба алды