Әскерий хызметти өтеп келген жаслар мийнет ярмаркасы



Қанлыкөл районы ҳәкимлиги, районлық қорғаныў бөлими ҳәм районлық бәнтликке көмеклесиў орайы, Өзбекстан Жаслар аўқамы районлық Кеңеси менен биргеликте жаңа жумыс орынлары менен тәмийинлеў бойынша бос жумыс орынлары мийнет ярмаркасы өткерилди.

Ярмарка даўамында, район аймағындағы 47 кәрхана, фермер хожалықлары ҳәм исбилерменлик субъектлери бос жумыс орынлары ҳәм вакант лаўазымлары, улыўма ярмаркада жәми 171 бос жумыс орынлары усыныс етилди.

Бос жумыс орынлары ярмаркасында мүддетли әскерий ҳәм мобилизациялық шақырыў резерви хызметин өтеп келген жаслар менен жумыссыз пуқаралар қатнасты. Мәмлекетлик кәрханалар тәрепинен усынылған бос жумыс орынларына пуқараларға жумысқа орналасыўы ушын жолламалар берилди.  Ярмаркада жәми 10 (4 әскерий хызметти өтеп келген жаслар) жумыссыз пуқаралар жумыс пенен тәмийинленди.

 Сондай-ақ, «Абат аўыл» дәстүри тийкарында фермер хожалықларына 36 пуқаралар жәмийетшилик тийкарында жумыс бериўшилер менен шәртнамалар дүзилди.

«Халықты жумыс пенен тәмийинлеў ҳаққында»ғы нызам талаплары тийкарында ҳәм кәсипке қайта оқытыў бойынша 5 жумыссыз пуқаралар тараў қәнийгелери тәрепинен коммерциялық банклерден жеңиллетилген кредитлер алыў, жумысқа орналасыў ўақтында норматив ҳүжжетлерди рәсмийлестириў, ҳуқық ҳәм еркинликлери, ис ҳақы, мийнет дем алыслары  бойынша толық мағлыўматлар алды.