Ҳаял-қызлар арасында веломарафон



Қанлыкөл районында 15-май Халықаралық шаңарақ күни мүнәсибети “Оила” илимий-әмелий орайының районлық бөлими тәрепинен ҳаял-қызлар арасында саламат турмыс тәризин қәлиплестириў ҳәм ғалабалық спорт жарысларының жолға қойылыўы ҳәмде байрамды көтериңки руўхта өткериў мақсетинде веломарафон жарыслары шөлкемлестирилди.

 

Жарыстың тийкарғы мақсети, шаңарақлар беккемлигин тәмийинлеў, шаңарақларда руўхый әдеп-икрамлылық қәдириятларды сиңдириў, жәмийетте тынышлық ҳәм татыўлықты сақлаўда шаңарақтың орнын, әҳмийетин үгит-нәсиятлаўға, шаңарақларда спорт шынығыўлары менен ойынларын күнделикли өмирде қолланыўы, ден-саўлығының беккемлениўине тийкар жаратыўдан ибарат.

Спорт жарыслары, район аймағындағы “Дослық” ҳәм “Мәденият” МПЖ менен “Қанлыкөл” ППЖ аймақларындағы  районлық мекемелерде жумыс ислеўши ҳәмде жумыссыз ҳаял-қызлар арасында өткерилип, жеңимпазлар анықланды.