Нураныйлар дыққат итибарда



Өзбекстан Республикасы Президентиниң 2019-жылы 1май күнги «Мүбәрек рамазан айын мүнәсип түрде өткериў ҳаққында»ғы қарары талапларының орынланыўын тәмийинлеў мақсетинде, «Нураныйларымыз бәрқулла ҳүрмет ҳәм итибарда» ураны менен барлық орынларда бир қатар илажлар әмелге асырылмақта.

Қайырсақаўатлық илажлары тийкарынан, ўатанымызда миллий ҳәм диний қәдириятларымызға болған ҳүрмет және итибарды беккемлеў, мүбәрек рамазан айы даўамында адамгершилик, руўхый пәклик, шүкиршилик пазыйлетлерди ҳүрметлеў, меҳрибанлық, аўызбиршилик ҳәм татыўлықты улығлайтуғын пазыйлетлерди халық арасында үгит-нәсиятлаў ҳәмде жәрдемге мүтәж шаңарақларды ҳәр тәреплеме қоллап-қуўатлаў, мәҳәллелерде мийрим шәпаат, өз-ара ҳүрмет орталығын беккемлеўге қаратылған.

Қанлыкөл районы ҳәкимлиги, районлық ишки ислер бөлими, Өзбекстан Жаслар аўқамы районлық Кеңеси, районлық мектепке шекемги билимлендириў бөлим менен биргеликте район аймағындағы кем тәмийинленген шаңарақлар менен жалғыз баслы нуранийлер, урыс ҳәм мийнет ветеранлары менен бағыўшысынан айрылған шаңарақлардың үйлерине барып, турмыс жағдайларын үйренди.

Район аймағындағы пуқаралар жыйынларында жасаўшы кем тәмийинленген, социаллық қорғаўға мүтәж шаңарақлардың үйлерине барып жағдайларынан хабар алынды ҳәмде мүбәрек рамазан айы менен қутлықлап, азық-аўқатлық өнимлери менен саўғалар берилди.