Kanews.uz сайты жәмәәти сизди Рамазан Ҳайыты менен қутлықлайды



Kanews.uz сайты жәмәәти бәрше мөмин-мусылманды муқаддес ҳәм уллы айям-Рамазан Ҳайты менен шын жүректен қутлықлайды. Рамазан айында тилеген бәрше нийетлериңиз, қылған дуўаларыңыз Алла-Таала дәргайында қабыл болсын. Елимиз тыныш, дастурханымыз мол, турмысымыз аббат болсын. Ҳайт күнлериниң ҳәр бир минуты көркем, пайызлы ҳәм гоззал. Мине сол демлерде бир-биримизге шийрим сәлем-әлийк қылыўымыз, мехир-мириўбетли болыўымыз, ата-аналарымыздың ақ патияларын алыўымыз, әтирапымыздағыларға куўаныш инам етиўимиз ҳәр бир мөмин-мусылман инсанның байрамдағы пазыйлети, әдеби саналады. Бул жылы Рамазан айы май айының салқын күнлерине туўра келди ҳәм Ўатанласларымыз 30 күн даўамында ораза тутты. Районымызда ҳәм сондай-ақ, республикамыздың бәрше мешитлеринде таровеҳ намазлары оқылды. Kanews.uz сайты жәмәәти, бәрше мусылманлар турмысында, бүгинги күнимиздей тыныш, абадан ҳәм парахат күнлер даўам ете бериўин тилейди. Алла-Таала бәрше тәўбелеримизди қабыл әйлеп, ҳақ жолынан адастырмасын. Және бир реет Рамазан Хайыты қутлы болсын!