Қанлыкөл районында Ҳайыт намазы оқылды



5-июнь күни Қанлыкөл районы Ешим-ахун мешитинде Ҳайыт намазы оқылды.

Қанлыкөл райоынында Рамазан Ҳайыты мүнәсибети менен Ешим-ахун мешитинде Ҳайт намазы оқылды. Оған, район ҳәкими Д.Толыбаев қатнасты ҳәм район халқын мүбәрек Рамазан Ҳайыты менен қутлықлады.

Районда Ҳайыт намазын көтериңкилик руўҳында өткериў ушын мешит жәмәәти, ҳуқык қорғаў ўйымлары ҳәмде басқа да тийисли тараў ўәкиллери тәрепинен, намазханлар ушын колайлы шәрт-шәраятлар жаратып берилди.

Ешим-ахун имәми Н.Наймов бәршени байрам менен қутлықлап, тыныш ҳәм парахат турмыста жасап атырғанлығымыз, ҳәр күни дуўаға қол жайыў несип еткенлигиниң өзи Жаратқанның инами екенлигин ҳәм оған деген шексиз шүкиршилигин билдирди. Сондай-ақ, Ҳайыт байрамы ҳәм оның пазыйлети туўралы бәршеге кең  түрде түсиник берип өтти.

Соның менен биргеликте, Рамазан Хайыты мүнәсибети менен, “Қанлыкөл дийқан базары”нда ярмарка шөлкемлестирилди. Ярмаркада пуқаралар бәрше азық-аўқатлық өнимлерин ҳәм басқа да товарларды арзан баҳада алыў мүмкин.

Өзбекстан Республикасы Президенти Ш.Мирзиёев 30-май күни “Рамазан Ҳайытын белгилеў ҳаққында”ғы Қарарды имзалаған еди. Ҳүжжетке көре, Рамазан Ҳайыты күни сыпатында кең түрде өткерилиўи белгилеп қойылған.