Оқыӯшылар «Билимлер күни» байрамын район ҳәкими менен күтип алды



Республикамыз бойлап барлық билимлендириў мекемелеринде аппақ шағаладай қатарласқан оқыўшы жаслар жүзлеринде қуўаныш пенен ана мектебине асықпақта.

Қанлыкөл районы ҳәкимлиги ҳәм районлық Халық билимлендириў бөлиминен бириктирилген жуўапкер хызметкерлери, район аймағындағы бәрше улыўма билим бериў  мектеплеринде, Мәмлекетимиз Ғәрезсизлигиниң 28 жыллық  байрамы  ҳәм «Билимлер күни» байрамы өткерилмекте.

Усы мүнәсебет пенен бүгин  районы ҳәкими Д.Толыбаев, район аймағындағы 1-санлы қәнигелестирилген мектебинде болды ҳәм Мәмлекетимиз Ғәрезсизлигиниң 28 жыллық байрамы  «Билимлер күни» таза оқыў жылы менен қутлықлап,   2019-2020- жаңа оқыў жылы байрам кешесин  ашып берди ҳәм бәршеге аманлық, оқыўларына табыслар тиледи.

2019-2020 таза оқыў жылы Өзбекстан ҳәм Қарақалпақстан Республикаларының Мәмлекетлик гимнлери менен басланды.

 Ҳүрметли Президентимиздиң басламасы менен район аймағындағы жаңа оқыў жылы 1-классқа келетуғын  жәми 860 оқыўшыларға 12 атамадағы оқыў қураллары жәмленген «Президент саўғасы» тапсырылды.

Улыўма билим бериў мектеплеринде биринши қоңыраў қағылды.Жана  оқыў жылын «Жанажан Өзбекстаным мәӊги бол аман!» сүрени астында район ҳәкими Д.Толыбаев  «Ғәрезсизлик сабағы» менен баслады.

Ғәрезсизлигимиздиӊ бүгинги күнге шекем келиӯине тийкар болған тарийхқа тоқталды ҳәм 1990 жылы 20-июньде «Ғәрезсизлик  Декларациясы» ҳәм 1991 жылы 31-августта «Өзбекстан Республикасыныӊ Мәмлекетлик ғәрезсизлиги тийкарлары ҳаққында»ғы Нызамныӊ қабыл етилиӯи ҳәмде суверен демократиялық республика сыпатында ғәрезсиз ишки ҳәм сыртқы сиясатын жүргизе баслағанлығы, мәмлекет нышанлары ҳаққында мағлыӯмат берди. Сондай-ақ  Президентимиздиӊ  жасларға болған исеними, ғамхорлығы ҳәм итибары нәтийжесинде  усындай жаӊа имараттыӊ бой тиклеӯи оқыӯшы жасларға үлкен байрам саӯғасы болды.

«Ғәрезсизлик сабағы»нда, оқыӯшылар өзлериниӊ Ана-Ӯатан, Ғәрезсизлик, ҳәм устазлар ҳаққындағы қосықлары менен даӯам еттирилди.