Ҳаял-қызларды басым өткериӯ ҳәм зорлық етиӯден қорғаӯ ҳаққындағы нызам қабыл етилди



 

          Бул  нызамныӊ мәнис-мазмуны соннан ибарат онда ҳаял-қызларды қорқытыӯ басым өткериӯ ҳәм зорлық етиӯдиӊ барлық түрлеринен қорғаӯ тараӯындағы мүнәсебетлерди тәртипке салыӯ, басым өткериӯ ҳәм зорлық етиӯден жәбир көрген ҳаял қызлардыӊ  зорлық етиӯ яки қорқытыӯ  ҳаққында тийисли оргонларға ямаса судқа мүрәжат етиӯ, бийпул ҳуқықый мәсләҳәт алыӯы, социаллық психологиялық жәрдем алыӯы, медициналық жәрдем алыӯ, жеткизилген материаллық  ҳәм руӯхый келтирилген зыянды  қаплаӯ ҳаққындағы арзасы менен судқа мүрәжат етилгенде мәмлекет бажысын төлеӯден азат етилиӯи белгилеп қойылған. Нызамда ҳаял-қызларды қорқытыӯ, басым өткериӯ ҳәм зорлық етиӯден қорғаӯ тараӯындағы мәмлекет сиясатыныӊ тийкарғы жөнелислери белгилеп қойылды.

Яғный усы тараӯдағы гендер сиясатын, мәмлекет дәстүрлери ҳәмде стратегиялары ислеп шығыӯ ҳәмде әмелге асырыӯ; жәмийетте ҳаял-қызларға итибарды күшейтиӯ, жәмийетте ҳуқықый сана ҳәм мәдениятты жоқарылатыӯ; нызамлылықты беккемлеӯ.

 Нызамныӊ 21-статьясында ҳаял-қызларға  басым көрсетиӯ ҳәм зорлық етиӯдиӊ  алдын алыӯға бир қатар  жеке тәртиптеги ис-илажлар түрлери ҳаққында айрықша тоқталып өтилген болып оларға; профилактика  сәӯбетти өткизиӯ, қорғаӯ ордерин бериӯ, басым өткериӯ ҳәм зорлық етиӯден жәбирлениӯшилерге жәрдем көрсетиӯ бойынша  арнаӯлы орайларға  жайғастырыӯ ҳәм минез-қулқын өзгертиӯ бойынша дүзетиӯ дәстүрлерин өтиӯ.

 

Жынаят ислери бойынша

Қанлыкөл районлық суды, баслығы Е.Абибуллаев.