Қанлыкөл районы ҳәкимлигинде  исбилерменлердиң мүрәжатларын үйренип шығыў жүзесинен  ушрасыӯ өткерилди



 

          Усы жылдыӊ 24-августь күнги Өзбекстан Республикасы Президентиниӊ Саӯда-санаат палатасындағы видеоселектор мәжлисинде, Исбилерменлерди қоллап-қуӯатлаӯды түптен реформалаӯ, олардыӊ нызам мәплерин қорғаӯ ҳәмде еле де раӯажландырыӯ жүзесинен 2019 жыл 13 августта қабыл етилген ПП-5780-санлы Пәрманы ҳәмде ПҚ-4417-санлы Қарарыныӊ мазмун-мәнисин кеӊнен еӊ жайдырыӯ бойынша бир қатар ис-илажлар белгилеп берилди.Усы ис-илажлардыӊ орынланыӯын тәмийинлеӯ мақсетинде, Қанлыкөл районы ҳәкимлигинде Қанлыкөл ҳәм Шоманай районлары аймақларындағы исбилерменлик субъектлери менен ушырасыў болып өтти.

Ушрасыӯға, Қарақалпақстан Республикасы Министрлер Кеңеси баслығының биринши орынбасары А.Тажетдинов, Ѳзбекстан Республикасы Бас Министриниң Қарақалпақстан Республикасы исбилерменлер мүрǝжатларын кѳрип шығыў қабыллаўханасы баслығы Р.Айтмуратов, Ѳзбекстан Республикасы Саўда-санаат палатасы Қарақалпақстан Республикасы басқарма баслығы А.Ибрагимов,  район ҳәкиминиӊ экономика ҳәм исбилерменлик мәселелери бойынша биринши орынбасары А.Абдиразаков, районлық исбилерменлер мүрәжатларын  көрип шығыў қабыллаўханасы баслығы Х.Таӯмуратов, райондағы мекеме, шѳлкем ҳǝм кǝрхана басшылары ҳәмде район аймағындағы исбилерменлик субъектлери баслықлары қатнасты.

Буннан гөзленген тийкарғы мақсет, аймақлардағы ҳǝрекетсиз турған кǝрханаларды толық үйренип шығып оларға ѳз жумысларын алып барыўда жүзеге келип атырған тосқынлықлар ҳәмде исбилерменлик субъектлери, хызмет кѳрсетиўши кǝрханалардың машқалаларын ѳз ўақтында нызам тийкарында ҳǝм сапалы орынланыўын тǝмийинлеў.

Ушрасыӯ даӯамында, "SALAUAT-BAYMAQLI" жеке кәрханасы, «КАНЛЫКОЛ АЛИГОБОН» жуўапкершилиги шекленген жǝмийети, «NURLAN ALOQACHI» жеке кәрханасы басшылары өзлериниӊ машқала, пикир ҳәм усынысларын билдирип өтти.

Ушрасыӯ соӊында, Қарақалпақстан Республикасы Министрлер Кеңеси баслығының биринши орынбасары А.Тажетдинов жоқарыдағы мәселелер бойынша, мекеме ҳәм кǝрхана басшыларына тапсырмалар берди ҳәм тийисли шешим қабыл етилди.