Исбилерменлер мүрәжатлары шешим таппақта



  Қанлыкөл районы ҳәкимлиги ӯәкиллери, райондағы Өзбекстан Республикасы Бас Министриниӊ Исбилерменлер мүрәжатларын көрип шығыӯ қабыллаӯханасы баслығы Х.Таӯмуратов, Қоӊырат районлараралық пуқаралық ислери бойынша суды баслығы Н.Абдиҳәкимов,  Қоӊырат районлараралық экономикалық суды судьясы А.Аяпов, Жынаят ислери бойынша районлық суды баслығы Е.Абибуллаев, Ҳәкимшилик ислери бойынша районлық суды баслығы Ж.Аймағанбетова ҳәм районлық Әдиллик бөлими баслығы Т.Асанов қатнасында, «Бескөпир» аӯыл пуқаралар жыйынында көшпели қабыллаӯ шөлкемлестирилди.

  Көшпели қабыллаӯ даӯамында, усы аймақ турғынларыныӊ, сондай-ақ, исбилерменликке бел байлаған жас исбилерменлердиӊ бир қатар мүрәжатлары тыӊланды. Атап айтқанда, пуқара А.Файзуллаевтыӊ баласы тийисли турақ жай участкасына нызамлы тәртипте ийелик етиӯ мәселеси, пуқара М.Реймбаев шарӯа малларын жетистириӯ мақсетинде, Агро банктыӊ Қанлыкөл филиалынан жеӊиллетилген кредит алыӯдағы ҳәмде пуқара А.Ҳәкимбаева коммерциялық банклерден автокредит алыӯы бойынша жүзеге келип атырған машқалалары тийкарында, өз мүрәжатларын билдирди. Мүрәжатлар бойынша тийисли тараӯ қәнигелери белгиленген тәртипте үйрениӯлер алып барып, жақын күнлер ишинде билдирилген машқалалар өз шешимин табады.