Районлық Қаржы бөлими жумысларынан



  Өзбекстан Республикасы Президентиниң 2018-жыл 26-декабрьдеги ПП-4086-санлы “Өзбекстан Республикасының 2019-жылғы тийкарғы макроэкономикалық көрсеткишлери прогнозы ҳәм мәмлекетлик бюджети параметрлери ҳәмде 2020-2021 жылларға бюджет мөлшерлери ҳаққында”ғы қарары талапларынан келип шығып, Қанлыкөл районының 2019-жыл 3-шерек бюджет дәраматларының контингент түсими режеси 9 млрд 022,6 млн сўм болып, ҳақыйқатында 10 млрд 753,3 млн сўмға, яғный 1 млрд 730,6 млн сўмға артықша, 119,2 пайызға орынланды.

2019-жыл III шерек жергиликли бюджет дәраматларының түсим режеси 5млрд 020,4 млн сўм болып, 2019-жыл 1-октябрь жағдайына 5 млрд 563,7 млн сўмға, яғный 110,8 пайызға орынланды. Усы шерек дәраматларының артық орынланған бөлеги 543,4 млн сўмды қурады.

Қанлыкөл районында бақыманда қарыздарлық 2019-жыл басында 430,2 млн сўм, 2019-жыл III шерек ақырына келип 516,8 млн сўмды қурады. Жыл басына салыстырғанда 86,6 млн сўмға асып кеткен.

Өзбекстан Республикасы Министрлер Кабинетиниң 2017-жыл
29-июньдағы «Жергиликли бюджет дәраматлар базасын кеңейиттириў қосымша түсимлерди анықлаў жумысларын шөлкемлестириў ис-илажлары ҳаққында»ғы 445-санлы қарары тийкарында, финанс органларына ҳәм мәмлекетлик салық хызмети органларына жүклетилген ўазыйпаларды өз мүддетинде сапалы орынланыўын, жергиликли бюджет дәраматлар базасын кеңейиттириў қосымша түсимлердиң түсирилиўин тәмийинлеў мақсетинде, районлық Қаржы бөлими ҳәм Мәмлекетлик салық инспекциясы менен биргеликте мониторинг жумыслары алып барылмақта.

2019-жыл 9 айлық даўамында анықланған көшпес мүлк объектлери ҳәм жер участкалары бойынша 2019-жыл 1-октябрь аўхалына 94 объектти хатлаў нәтийжесинде, қосымша 56 400 кв.м жер майданы бар екенлиги анықланды. Соннан, мүлк баҳасы 462  млн сўмды қурады. Хатлаў нәтийжесинде, 1 млн 107,3 мың сўм мал-мүлк салығы, 4 млн 074,7 мың сўм жер салығы, жәми 5 млн 182,0 мың сўм есапланып өндирилди.

Қанлыкөл районы аймағында мәмлекетлик дизимнен өтпестен, нызамсыз түрде 8 исбилерменлик субъектлери анықланды. Бул анықланған ҳалатлар бойынша жеке тәртиптеги исбилерменлерге жыл соңына шекем қосымша 10 млн 650 мың сўм Жеке тәртиптеги исбилерменлерден алынатуғын қатаң белгиленген салық есапланды.

Район бойынша улыўма аўқатланыў кәрханаларын мониторинг қылыў нәтийжесинде, 1 исбилермен нызамсыз ис жүритип атырғанлығы анықланды ҳәм 1 исши хызметкерине жыл ақырына шекем 304 мың сўм салық есапланды, Дийқан базарынан бир мәртелик пәтте төлемлеринен 290,0 мың сўм, шарўашылық маллары сатылатуғын базардан 318,9 мың сўм, жәми Дийқан базардағы мониторинг нәтийжесинде, косымша 609 мың сўм анықланды.

Районлық жергиликли бюджет қәрежетлери 63 млрд 007,8 млн сўмды қураған болса, соннан, экономикалық тараў қәрежетлери 3 млрд 510,3 млн сўм, социаллық тараў қәрежетлери 49 млрд 019,2 млн сўмды қурады. I-топар  қәрежетлери ушын 37 млрд 385,0 млн сўм, II -топар қәрежетлери ис ҳақыдан ажратпалар 9 млрд 010,4 млн сўм,
IV-топар қәрежетлери бойынша жәми 16 млрд 612,3 млн сўмды қурады. 2019-жыл 1-январь ҳалатына еркин қалдық 2 млрд 223,6 млн сўм болып, район ҳәкиминиӊ бийлиги тийкарында, 2 млрд 201,2 млн сўм сарыпланды, соннан көп қабатлы үйлерге видео гүзетиў үскенесин орнатыў ушын 364,3 млн сўм, Халық Қабыллаўханасына жеӊил автомашина сатып алыў ушын 90,7 млн сўм, ҳәкимлик имаратын оӊлаў жумысларына 732,6 млн сўм, районға кирис белгисин орнатыў ушын 249,8 млн сўм, “Абат аўыл” дәстүри шеӊберинде әмелге асырылған жумыслардан пайда болған қарыздарлықты қаплаўға 121,0 млн сўм, 4 сектордың имаратларын оңлаӯ жумыслары ушын 257,9 млн сӯм, Қарақалпақстан Республикасы Жоқарғы Кеңесиниң Президиум қарары тийкарында, үй-жай мүлкдарлары ширкетиниң машқалалы кредитин қайтарыӯ ушын 53,2 млн сӯм, Тәлим ҳәм медицина мәкемелериниң материаллық-техникалық базасын раӯажландырыӯ қорына 245,0 млн сӯм сарыпланды.

2019-жыл 9-айы даўамында резерв фондтан ҳәким бийлиги тийкарында, 504,7 млн сўм сарпланды. Усы жыл 9-айы даўамында, жергиликли бюджеттиң ҳәм Қарақалпақстан Республикасы бюджети дәраматларының артық орынланған бөлеги есабынан бийлик тийкарында, 5 млрд 973,7 млн сӯм жумсалды, соннан, район ҳәкимлиги әтирапын абаданластырыӯға 863,3 млн сӯм, жәмәәтлик қадағалаӯ мәсканын шөлкемлестириӯ ушын 173,5 млн сӯм, ҳәкимлик автотранспортын сатып алыӯға 186,8 млн сӯм, ҳәкимликлер хызмет үйлерине 148,1 млн сўм, “Абат аўыл” дәстүрин әмелге асырыўға 1 млрд 639,0 млн сӯм, район орайына фонтан қурылысы ушын 892,7 млн сўм, “Муӊлы ана” майданын қурыўға 985,6 млн сўм сарпланды.