ӨзХДП районлық Кеӊесинде сайлаӯалды илажлары даӯам етпекте



  Мәмлекетимиз алдында турған үлкен сиясий мапаз, бәршемиз ушын айрықша жуӯапкершиликти жүклейди. Ҳәммемизге белгили болғанындай, усы жылдыӊ 22-декабрь күни Өзбекстан Олий Мажлиси Нызамшылық палатасына, халық депутатлары ўәлаятлық, районлық ҳәм қалалық Кеңеслерине сайлаўлар болып өтеди. Сол тийкарда, ӨзХДП районлық Кеӊеси тәрепинен аймақларда сайлаӯалды илажлары өткерилмекте. Бул бойынша районлық Халық билимлендириӯ бөлимине қараслы 18-санлы улыӯма билим бериӯ мектебиниӊ ҳәм районлық Қаржы бөлиминиӊ мәжилислер залында сайлаӯалды илажы болып өтти.

Оған партияныӊ районлық Кеӊеси баслығы Д.Шамуратова, районлық Кеӊес депутаты К.Алланазарова, районлық Әдиллик бөлими мәсләҳәтшиси Б.Матжанова, районлық «Оила» илимий-изертлеӯ орайы баслығы Э.Балтабаева ҳәм басқа да бир қатар тараӯ қәнигелери, сайлаӯшылар қатнасты.

  Сайлаӯалды илажы барысында, партияныӊ районлық Кеӊеси баслығы Д.Шамуратова алда турған сиясий мапаздыӊ әҳмийети, бул сайлаӯдыӊ турмысымызда тутатуғын орны ҳәм мазмунына айрықша тоқталып, бул бойынша кеӊ түрде түсиниклер берип өтти. Сондай-ақ, илаж даӯамында, қатнасыӯшылар сайлаӯ бойынша өзлерин қызықтырған қатар сораӯларын берип, тийисли тәртипте жуӯаплар алды.