Халық депутатлары Қанлыкөл районлық Кеӊесиниӊ 60-сессиясы болып өтти



  Қанлыкөл районы 19-санлы Балалар музыка ҳәм көркем-өнер мектебинде болып өткен Халық депутатлары районлық Кеӊесиниӊ 60-сессия мәжилисине, районлық Кеӊес депутатлары, ҳуқық қорғаӯ ҳәм пуқаралардыӊ өзин-өзи басқарыӯ уйымлары, мәкеме, кәрхана ҳәм шөлкемлердиӊ басшылары қатнасты.

Сессия мәжилисинде, күн тәртибиндеги мәселелер бойынша:

1. Өзбекстан Республикасы Президентиниң 2019-жыл 20-февральдағы “«Абат аӯыл» бағдарламасын 2019-жылда әмелге асырыӯ бойынша қосымша ис-илажлар ҳаққында”ғы ПҚ-4201-санлы қарарының Қанлыкөл районында орынланыӯы бойынша, район ҳәкиминиӊ санаатты раўажландырыў, капитал қурылыс, коммуникация ҳәм коммунал хожалығы маселелери бойынша орынбасары М.Мәмбетрзаевтыӊ,

2. Қанлыкөл районы бюджет параметрлериниң 2019-жыл III шерегинде орынланыўы ҳаққында, районлық Қаржы бөлими баслығы орынбасары Р.Оспановтыӊ,

3. Бәнтликке көмеклесиў орайы тәрепинен 2019-жыл 10 айы даўамында әмелге асырылған жумыслар ҳаққында, районлық Бәнтликке көмеклесиӯ орайы директоры орынбасары Ж.Қайыпназаровтыӊ,

4. “Саламат турмыс тәризи жолында бирлесейик” жойбары шеңберинде, район аймағындағы улыўма билим бериў мектеплери ҳәм мектепке шекемги билимлендириў мәкемелеринде “Жалпақ табанлылық” ҳәм “Сколиоз” кеселликлери менен байланыслы жағдайларды үйрениў нәтийжелери ҳаққында, районлық Медицина бирлеспеси шыпакери Р.Матчанованыӊ,

5. Халыққа сапалы медициналық хызмет көрсетиў бойынша әмелге асырылған жумыслар ҳаққында, районлық Медицина бирлеспеси баслығы Д.Нурымбетованыӊ,

6. Пуқаралардың ҳәм фермер хожалықлардыӊ, фермер хожалықларын жүритиў ушын жер майданларын ажыратыўы ҳаққында, районлық жер ресурслары ҳәм мәмлекетлик кадастры бөлими баслығы, район ҳәкимлиги жанындағы жер ажыратыў, ийелик етиў, пайдаланыўға ҳәм ижараға бериў мәселесин қарап шығыў бойынша турақлы комиссия хаткери Ж.Чимбаевтыӊ,

7. Қанлыкөл районы бойынша Өзбекстан Республикасы Олий Мажлиси Нызамшылық палатасы депутаты, Қарақалпақстан Республикасы Жоқарғы Кеңеси, Халық депутатлары Қанлыкөл районлық Кеңеси депутатлары сайлаўын өткериўши Бирден бир участка сайлаў комиссиялары ағзалығына талабанларды усыныў ҳаққында, Халқ депутатлары Қанлыкөл районлық Кеңесиниң Нызамлылықты тәмийинлеў ҳәм коррупцияға қарсы гүресиў бойынша турақлы комиссиясы ағзасы Т.Бекниязовтыӊ баянатлары тыӊланды.

Бул бойынша депутатлар өз пикирлерин билдирди. Сессия даӯамында қаралған мәселелер бойынша ислениӯи тийис анық ӯазыйпалар белгилеп алынды ҳәм тийисли қарарлар қабыл етилди