Колледжде китапқумар оқыўшылар анықланды



Өзбекстан Республикасы Президентиниң 2017-жыл 13-сентябрь күнги «Китап өнимлерин баспадан шығарыў ҳәм тарқатыў системасын раўажландырыў, китап оқыў ҳәм китапханлық мәдениятын асырыў ҳәмде үгит-нәсиятлаў бойынша комплекс ис-илажлар дәстүри ҳаққында» қарарына муўапық, Қанлыкөл районлық Санаат транспорт кәсип-өнер колледжи топарлари арасында «Зейинли, зийрек, зиялылар» атлы китапқумарлар турнириниң финал басқышы өткерилди.

Колледжде оқыўшылардың китапқа болған қызығыўшылығын арттырыў, китапханлық мәдениятын асырыў мақсетинде, «Зейинли, зийрек, зиялылар» турнири ҳәр ҳәпте даўамында өткерилип, турнирлерде жәми 12 жеңимпаз топарлар финал басқышында қатнасты.

Турнир жуўмағында, «Олимпия» топары жеңимпаз болды ҳәмде шөлкемлестириўшилер тәрепинен диплом тапсырылды, сондай-ақ, оқыўшылардан Орынбаев Атабек «Ең китап сүйер китапқумар оқыўшы» номинациясы менен сыйлықланды.

Колледжде китапқумарлар турнири даўам етпекте.