Суд ҳәм исбилерменлер ушырасыӯы



  Қанлыкөл районы ҳәкимлиги мәжилислер залында суд уйымлары ҳәм исбилерменлер қатнасында жыйналыс болып өтти. Оған райондағы Өзбекстан Республикасы Бас Министриниӊ Исбилерменлер мүрәжатларын көрип шығыӯ қабыллаӯханасы баслығы Х.Таӯмуратов, Қоӊырат районлараралық пуқаралық ислери бойынша суды баслығы Н.Абдиҳакимов,  Қоӊырат районлараралық экономикалық суды судьясы А.Аяпов, Жынаят ислери бойынша районлық суды баслығы Е.Абибуллаев, Ҳәкимшилик ислери бойынша районлық суды баслығы Ж.Аймағанбетова ҳәм исбилерменлик субъектлери баслықлары  қатнасты.

  Жыйналыс барысында, қәнигелер тәрепинен мәмлекет бюджетине өндириӯ менен байланыслы суд қарарларыныӊ орынланыӯын тәмийинлеӯде аймақлардағы мәжбүрий орынлаӯ бюросы бөлимлериниӊ искерликлерин муӯапықластырыӯ ҳәм нәтийжелилигин асырыӯ, мәмлекет бюджетине түсимлер менен байланыслы мағлыӯматларды улыӯмаластырыӯ ҳәм анализлеӯ, шағым арзаларды мәмлекетлик бажысыз, сондай-ақ, кешиктириӯ яки бөлип төлеӯ шәрти менен қабыллаӯ, бюджетке өндириӯ ҳәм коммунал хызметлерден қарыздарлық бойынша шығарылған суд ҳүжжетлериниӊ орынланыӯын кешиктириӯ яки тоқтатыӯ жағдайлары жүзесинен турақлы мониторинг жүритиӯ, сондай-ақ, исбилерменлик субъектлери арасында ҳуқыкый саӯатлылықты еле де асырыӯ сыяқлы мәселелер бойынша түсиник берилди.

Жыйналыс даӯамында, исбилерменлер усы шеӊберде өзлерин қызықтырған сораӯларына тийисли тәртипте жуӯаплар алды.