Депутатлыққа талабан сайлаўшылар менен ушырасты



  Қанлыкөл районы 19-санлы Балалар музыка ҳәм көркем-өнер мектебинде, 7-«Арал» сайлаў округинен Өзбекстан Республикасы Олий Мажлис Нызамшылық палатасына, Өзбекстан «Миллий тикланиш» демократиялық партиясынан депутатлыққа талабан Жалекеев Муратбай Алимбетович, өз сайлаўшылары менен ушырасты.

  Ушырасыў барысында талабан, партия платформасынан келип шыққан ҳалда, өз сайлаўалды бағдардамасында жергиликли санааты раўажландырыў, жергиликли ислеп шығарыўшыларды мәмлекетлик қоллап-қуўатлаў, жаңа жумыс орынларын жаратыў, районлар орайлары ҳәм аўылларды жаңа заманагөй талапларға сай дәрежеде реконструкциялаў, қайта қурыў, абаданластырыў, сондай-ақ, районларда ҳәм аўылларда ҳаял-қызлардың жумыс пенен бәнтлигин тәмийинлеў, мал шарўашылығына қәнигелестирилген Мойнақ, Қоңырат, Бозатаў ҳәм Таҳтакөпир районларында физикалық ҳәм юридикалық шахслар ушын шарўашылықты жедел раўажландырыўға көмеклесиўши ҳәм шарўашылық бизнсе инкубаторлары ҳәм консультативлик орайларды ашыў ҳәм оларды ҳәр тәреплеме қоллап-қуўатлаў, туризм инфраструктурасын, туристлик сервислерди, этнографиялық, гастраномиялық, экологиялық туризм түрлерин раўажландырыў арқалы жаңа жумыс орынларын жаратыў ҳәм тағы да басқа әҳмийетли мәселелер бойынша алға қойған ўазыйпаларына кең түрде тоқталып өтти.

  Талабанның исенимли ўәкиллери, оған исеним билдирип, илгери сүрип атырған мәселелердиң турмысымызда тутатуғын роли әҳмийетли екенлигин келтирди.

 Илаж даўамында, районлық Мәденият бөлими тәрепинен таяранған концерт бағдарламасы қатнасыўшылар нәзерине усынылды.