Бизнес жойбарын дүзиў жоллары



Қанлыкөл районы Педагогика колледжинде Өзбекстан Жаслар аўқамының районлық Кеңеси жанынан шөлкемлестирилген «Бизнес клуб» ағзалары «Neo Info Teс» жеке фирмасы баслығы С.Молченко менен ушырасыў болды.

Ушырасыў даўамында, бизнес клуб ағзаларының қызығыўшылығын арттырыў мақсетинде, оқыўшы жаслардың жеке бизнесин режелестириў,  бизнес баслаўдағы қыйыншылықлар, бизнесте жеке түрде жойбарлар ислеп шығыў, бизнести баслаў, алып барыў, раўажландырыў, кеңейтиў, сондай-ақ, бизнес баслаўшы ҳәр бир жастың өзине, өмирге болған исенимин оятыў ҳәм дүньяға исбилерменлик көз-қарасын қәлиплестириў бойынша кең түрде түсиниклер берилди.

Сондай-ақ, «Neo Info Teс» жеке фирмасы баслығы С.Молченко ушырасыў барысында колледж жаслары тәрепинен берилген сораўларға жуўаплар қайтарды.

Еслетип өтемиз, колледж оқыўшы жаслары исбилермен, өнермент, дизайнер А.Нурумбетова мененде ушырасып, исбилерменлик, миллий өнерментшилик ҳәмде дизайн бағдарлары бойынша мазмунлы сәўбетлер өткерилди.