Шахматшы бақша тәрбияланыўшылары



Қанлыкөл районлық мектепке шекемги билимлендириў бөлиминиң тастыйықланған режеси тийкарында, мектепке шекемги билимлендириў мекемелериндеги тәрбияланыўшылары арасында спорттың шахмат түри бойынша «Кишкене шахматшы» атамасында жарыс өткерилди.

Жарыстың мақсети, келешегимиз болған жас әўладтың спортқа  қызығыўшылығын асырыў, балалар спорт түрлери, олардың тәртип қағыйдалары ҳаққында кең түрде түсиниклер алып, мағлыўматларға ийе болыўы сондай-ақ, шахмат спорты бойынша республикамыздағы жетискенликлерден хабардар болыўына қаратылып, жарыс даўамында район аймағындағы мектепке шекемги билимлендириў мекемелеринен 5-6 жаслы бақша тәрбияланыўшылары қатнасында кишкене шахмат жеңимпазлары анықланды.  

Жарыс жуўмағында, қыз балалар арасында 8-санлы бақша тәрбияланыўшысы М.Баймуратова, ер балалар арасында 11-санлы балалар бақшасы тәрбияланыўшысы С.Нуратдиновлар жеңимпаз болып, 1-орынды алыўға еристи.

Сондай-ақ, жарыста қызлардан 10-санлы бақша тәрбияланыўшысы Т.Мақсетова 2-орынды, 2-санлы бақша тәрбияланыўшысы Б.Утегенова 3-орынды, ер балалардан 8-санлы бақша тәрбияланыўшысы С.Сақлапбергенов 2-орынды, 10-санлы бақша тәрбияланыўшысы У.Аралбаев 3-орынды алыўға мияссар болды.

Жарыс даўамында белсенди қатнасқан бақша тәрбияланыўшыларына «Ҳүрмет жарлық»лары менен саўғалар тапсырылды.