«Адам саўдасы-дәўир машқаласы» темасындағы жарыс



Қанлыкөл районы ҳалық билимлендириў бөлимине қараслы 21-санлы улыўма билим бериў мектебинде районлық ҳаял-қызлар комитети ҳәмде «Дослық» аўыл пуқаралар жыйыны ҳаял-қызлар менен ислесиў ҳәм шаңарақларда руўҳый әдеп-икрамлылық қәдириятларды беккемлеў бойынша қәнийгеси биргеликте «Адам саўдасы-дәўир машқаласы» темасындағы көргизбели жарыс шөлкемлестирилди.

Дүнья жүзилик машқалаға айналған адам саўдасы, адам саўдасы қурбанлары жағдайы, адам саўдасының алдын алыў бойынша оқыўшы жаслар арасында үгит-нәсиятлаў илажлары алып барылды ҳәмде илаж шеңберинде мектептиң 5-7-класс оқыўшылары қатнасында, «Адам саўдасы-дәўир машқаласы» темасында жас сүўретшилер жарысы өткерилди.

Жарыс даўамында, мектептиң 7-класс оқыўшысы С.Алиева теманы ашып бериўши сүўрет салыў қәбилети менен 1-орынды алыўға еристи.

Сондай-ақ, мектептиң 7-класс оқыўшылары Б.Қадирбаева ҳәм Г.Ибраймовалар 2-орынды, М.Қарлыбаева, А.Айтбаева ҳәмде Б.Қуўанышбаевалар 3-орынды алыўға мияссар болды ҳәмде жарыста «Ең мазмунлы сүўрет», «Ең шырайлы сүўрет», «Ең тәсирли сүўрет» номинациялары менен баҳаланып, жеңимпазларға  шөлкемлестириўшилер тәрепинен естелик саўғалары тапсырылды.