«Жоқары мәнәўиятлы әўлад» фестивалы



Республика руўҳыйлық ҳәм ағартыў орайы Қанлыкөл районлық бөлими, Өзбекстан Жаслар аўқамы районлық Кеңеси менен биргеликте районлық халық билимлендириў бөлимине қараслы улыўма билим бериў мектеплери  ҳәм кәсип-өнер колледжлери оқыўшы жаслары арасында «Жоқары мәнәўиятлы әўлад» атамасындағы фестивалы өткерилди.

Фестивальдың мақсети, 14 жастан 25 жас аралығындағы  оқыўшы жаслар арасында билимли, қәбийлетли, өнермент, сүўретши, дизайнер, жас көркем-өнер ийелери, жас жазыўшы шайырлар ортасында ең талантлыларды анықлаў, өз-ара дослық қатнасықларын жолға қойыў, дөретиўшилердиң мийнетин дурыс баҳалаў ҳәмде бағдарлаўға қаратылған.

Фестиваль даўамында, оқыўшы жаслар өзлериниң билимин, қәбилетин, өнерлеринен көргизбелер шөлкемлестирилип, илаж шеңберинде киши таңлаўлар өткерилип, жеңимпазлар анықланды.

Фестиваль  жуўмағында, оқыўшы жаслар арасында 14-16 жас, 17-19 жас, 20-25 жас аралығында «Адебий дөретиўшилик», «Өзбекстан Республикасы Биринши Президенти шығармалары билимданы», «Ғәрезсизлик тарийхы билимданы», «Ең қәбийлетли өнермент», «Шығармасында миллийликти сүўретлеген сүўретши», «Кийимлеринде миллийликти сүўретлеген дизайнер», «Ўатанды жырлаўшы» ҳәмде «Жоқары мәнәўиятлы әўлад» номинациялары бойынша жеңимпазлар таңлап алынды.

Фестиваль жеңимпазларына шөлкемлестириўшилер тәрепинен диплом ҳәмде естелик саўғалары тапсырылды.