«Жас инновацияшы» көрик таңлаўы



Исбилерменлер ҳәрекети-Өзбекстан Либерал демократиялық партиясы тәрепинен 2018-жыл мәмлекетлик дәстуринде белгиленген ўазыйпалардың орынланыўын тәмийинлеў, жаслар арасында дөретиўши, талантлы жасларды анықлаў, олардың билимлерин жетилистириў, инновациялық исленбелерин қоллап-қуўатлаў ҳәм турмысқа енгизиў мақсетинде биринши мәрте «Жас инновацияшы» көрик таңлаўы шөлкемлестирилди.

Таңлаў нызамы негизинде, қатнасыўшылардың оқыўдағы ерискен табыслары, белсендилиги, жетекшилик қәбилети ҳәм инновациялық исленбелер ҳәм технологиялардан  қай дәрежеде пайдалана алыўына итибар қаратылды.

Көрик таңлаў қатнасыўшылары -ислеп шығарыў ҳәм сервис; -туризм; -аўыл хожалығын раўажландырыў бойынша ислеп шығылған инновациялық жойбарлары көргизбелери менен районлық орта арнаўлы кәсип-өнер колледжинен 15 оқыўшы жаслар қатнасты.

«Жас инновацияшы» көрик таңлаўын баҳалаў ушын белгиленген төрешилер тәрепинен 3 жеңимпаз оқыўшылар таңланды ҳәм кейинги басқышқа жоллама алды.