Қанлыкɵлде «90-жыллар мүзейи»



Қанлыкөл районы «Қанлыкөл» посёлка пуқаралар жыйыны аймағында район ҳәкимлиги ҳәм исбилермен Т.Садиқовлар менен шөлкемлестирилген «90-жыл мүзейи» пайдаланыўға тапсырылды.

«90-жыл мүзейи»ниң биринши тамашагөйлери районның жасы үлкен нураныйлары менен билимлендириў ҳәм пуқаралар жыйынлары басшылары ҳәмде медиатур журналистлери болды.

Мүзейдеги экспонатлар, халқымыздың ғәрезсизлигимизден алдыңғы ҳәмде кейинги дәўирлерде пайдаланылған электро техникалық әсбаплар (телевизор, компьютер, калькулятор, магнитафон, фотоаппарат, аудио ҳәм видео двд, телефонлар, авто ручкалар ҳ.т.б) әсиресе 90 жыл почтасы хызметиниң жолға қойылыўы айрықша қызықтырады.

Илаж барысында, почта хызметиниң қайта жанланыўы Қанлыкөлде қолға алыныўына мысал сыпатында, сол ўақыттың өзинде жаслар Қанлыкөл маркасындағы открыткаларда хат жазып, конвертлерде  танысларына хат жиберди.

Мүзейде басқа мүзейлерден парқы тамашагөйлердиң балалық, жаслық  дәўирлери менен бираз болсада бирге болыў, еслеў имканиятын жаратқан 700 ден аслам экспонатқа ийе киши мүзей тамашагөйлер менен жасларда айрықша тәсир қалдырды.