Қанлыкөл районы Əдиллик бөлими, район ҳәкимлиги менен биргеликте қарардың мазмуны бойынша семинар өткерди



 Қанлыкөл районы 19-санлы Балалар музыка ҳәм көркем өнер мектебиниң мәжилислер залында, районлық Əдиллик бөлими, район ҳәкимлиги менен биргеликте, семинар өткерди.

Оған бәрше мәкеме, кәрхана ҳәм шөлкем басшылары, тараў қәнигелери қатнасты.

 Семинарда районлық Əдиллик бөлими баслығы Т.Асанов Өзбекстан Республикасы Президентиниң 2019-жыл 9-декабрь күни қабыл етилген «Бюрократиялық тосықларды және де қысқартыў ҳәмде мәмлекет басқарыў органлары ҳәм шөлкемлери искерлигине заманагөй басқарыў принциплерин енгизиў ис-илажлары ҳаққында»ғы ПҚ-4546 санлы қарарының мазмуны бойынша кең тәризде түсиник берип өтти.

Сондай-ақ, бул бойынша районлық «Мәҳәлла» Кеңеси баслығы Т.Мамутов, өзиниң пикирлерин ҳәм қосымшаларын келтирди.

 Семинар барысында, қарардың мәнисин терең аңлатыўшы буклетлер тарқатылды. Семинар даўамында, қатнасыўшылар өзлерин қызықтырған сораўларына, қәнигелерден тийисли жуўаплар алды.