Өзбекстан “Адолат” социал демократиялық партиясының 25 жыллығы мүнәсибети менен партияның районлық Кеңеси тәрепинен руўхый-ағартыўшылық илажы өткерилди



 Қанлыкөл районы 19-санлы Балалар музыка ҳәм көркем өнер мектебинде, Өзбекстан “Адолат” социал демократиялық партиясының 25 жыллығы мүнәсибети менен “Күшли социаллық сиясат-халық пәраўанлығының кепили” атамасында руўхый-ағартыўшылық илаж өткерилди.

 Онда партияның районлық Кеңеси, Халық депутатлары районлық Кеңесинен ҳәм бәрше мәкеме, кәрхана ҳәм шөлкемлерден партия ағзалары қатнасты.

 Жоқары дәрежеде шөлкемлестирилген илажды, партияның районлық Кеңеси баслығы Зәўреш Юсупова кирис сөз бенен ашты ҳәм партияның усы жыллар даўамында әмелге асырған жумыслары, басламалары, сондай-ақ, өткен жылы өткерилген сайлаўлардағы көрсеткишлерине тоқталып өтти. Соң, сөз баянатшыларға берилди.

 “Негизинде, партиялық искерликте әмелий ямаса үгит-нәсият жумысының үлкен, кишиси болмайды. Ҳәмме гәп иштеги, кеўилдеги гәпти, нийетти, мақсетти жеткере билиў арқалы, оны әмелде көрсете алыўда. Сол орында, Өзбекстан “Адолат” СДПның халықтың сиясий-ҳуқықый мәдениятын асырыў, жәмийетте нызам үстинлигин тәмийинлеў жолында әмелге асырып атырған ислери айқын мысал бола алады”-дейди, партияның районлық Кеңеси баслығы З.Юсупова.

 Илаж даўамында, 2019-жыл 22-декабрь күни елимизде болып өткен үлкен сиясий процесслер, яғный “Жаңа Өзбекстан, жаңа сайлаўлар!” сүрени менен өткерилген сайлаўларда, белсендилик көрсеткен партия ағзаларына “Миннетдаршылық” билдирилди. Усы шеңберде, районлық Мәденият бөлими көркем өнер ғайраткерлери тәрепинен таярланған концерт бағдарламасы инам етилди.