Депутат өз сайлаўшылары менен ушырасты



 Халық депутатлары Қанлыкөл районлық Кеңесине Өзбекстан Либерал демократиялық партиясынан 18-санлы «Қиятжарған» сайлаў округинен сайланган депутат Камилжан Джуманиязов, «Арзымбетқум» аўыл пуқаралар жыйынында жайласқан 20-санлы улыўма билим бериў мектебинде, аймақ турғынлары менен ушырасты ҳәм олардың машқалаларын тыңлады.

 Онда райондағы Өзбекстан Республикасы Бас министриниң Исбилерменлер мүрәжатларын көрип шығыў қабыллаўханасы баслығы Х.Таўмуратов, районлық Ҳәкимшилик суды баслығы Ж.Аймағанбетова, сондай-ақ, районлық Бәнтликке көмеклесиў орайы, банк ўәкиллери ҳәм басқа да тийисли тараў қәнигелери қатнасында көшпели қабыллаўлар өткерилди.

 Илажда депутат Президентимиздиң парламентке жоллаған Мүрәжатының мазмун-әҳмийети, онда белгилеп берилген ўазыйпалар бойынша сайлаўшылар менен  сәўбетлести. Ушырасыў даўамында оннан артық мүрәжатлар тыңланып, айырымлары сол жердиң өзинде өз шешимин тапқан болса, айырымлары терең үйрениўди талап еткенлиги себепли тийисли тараў қәнигелерине бекитилди.