Ҳаял-қызлар менен ислесиўши жаңа қәнигелер менен сәўбет



Қанлыкөл районы ҳәкимлигинде, Қарақалпақстан Республикасы Ҳаял-қызлар комитетиниң баслығы З.А.Ибрагимованың басшылығында, Өзбекстан Республикасы Президентиниң 2018-жыл 2-февраль күнги «Ҳаял-қызларды қоллап-қуўатлаў ҳәм шаңарақ институтын беккемлеў тараўындағы жумысты түп-тийкарынан жетилистириў илажлары ҳаққында»ғы  пәрманында белгиленген талаплар, ўазыйпалар менен тапсырмалары, комитет тәрепинен алып барылатуғын илажларды додалаўға бағышланған семинар өткерилди.

Семинарда, пәрман бойынша елимизде ҳаял-қызлардың жәмийетлик-сиясий белсендилигин арттырыў, ҳуқықлары менен нызамлы мәплерин қорғаў, аналықты ҳәм балалықты ҳәр тәреплеме қоллап-қуўатлаў, оларды түрли тараўларда ҳәм тармақларда өз қәбилетин ҳәм имканиятларын жүзеге шығарыўы ушын шараят жаратыў, сондай-ақ, Ҳаял-қызларды ҳәм шаңарақты қоллап-қуўатлаў жәмийетлик қорын шөлкемлес­тирилип, аймақларда аўыр социаллық жағдайға түсип қалған, майыплығы болған ҳаял-қызларға материаллық жәрдем көрсетиў, исбилерменлик басламаларына көмеклесиў ҳаққында белгиленген  ўазыйпалары, исленип атырған жумыслар бойынша пикир алмасты.

Сондай-ақ, Пәрманда белгиленген әҳмийетли бағдарлар ҳәм ўазыйпалар тийкарында, аймақлық пуқаралар жыйынларындағы ҳаял-қызлар менен ислесиў ҳәм шаңарақларда руўхый әдеп-икрамлылық қәдириятларды беккемлеў бойынша сайланған қәнигелер менен пәрманның орынланыўы бойынша  сәўбетлести.

Буннан тысқары, «Шаңарақ» орайының тийкарғы ўазыйпалары, Пәрмандағы «Зульфия» атындағы Мәмлекетлик сыйлығы ҳәмде «Мўътабар аёл» көкирек белгиси нышанының берилиў тәртиби, сыйлықлаўға усыныслар бериў ушын белсенди ҳаял-қызларды табыў ҳәм таярлаў бойынша айтылды.