Өзбекстан Республикасы Президенти Ш.М.Мирзиёев басшылығында 2020-жыл 20-апрель күни өткерилген видеоселектор мәжилисинде «Қайыр сақаўат ҳәм көмек» улыўма халықлық ҳәрекетин шөлкемлестириў арқалы халықтың бәнтлигин тәмийинлеў ҳәм социаллық қоллап-қуўатлаў илажлары бойынша белгиленген ўазыйпаларды орынлаў ҳаққында

2020-жыл 27-апрель                                                                                   33/05-санлы

Өзбекстан Республикасы Президенти Ш.М.Мирзиёев басшылығында 2020-жыл 20-апрель күни өткерилген видеоселектор мәжилисинде «Қайыр сақаўат ҳәм көмек» улыўма халықлық ҳәрекетин шөлкемлестириў арқалы халықтың бәнтлигин тәмийинлеў ҳәм социаллық қоллап-қуўатлаў илажлары бойынша белгиленген ўазыйпалардың орынланыўын тәмийинлеў мақсетинде Халық депутатлары Қанлыкөл районлық Кеңеси

ҚАРАР ЕТЕДИ:

1. Өзбекстан Республикасы Президенти Ш.М.Мирзиёев басшылығында 2020-жыл 20-апрель күни өткерилген видеоселектор мәжилисиндеги «Қайыр сақаўат ҳәм көмек» улыўма халықлық ҳәрекетин шөлкемлестириўге байланыслы тапсырмалар орынлаў ушын басшылыққа алынсын.

2. «Қайыр сақаўат ҳәм көмек» улыўма халықлық ҳәрекетин шөлкемлестириў арқалы халықтың бәнтлигин тәмийинлеў ҳәм социаллық қоллап-қуўатлаў илажлары бойынша әмелге асырылыўы лазым болған жумыслар ҳаққында Қанлыкөл районы ҳәкиминиң орынбасары - Мәҳәлле ҳәм шаңарақты қоллап-қуўатлаў бөлими баслығы С.Жуманованың баянаты мағлыўмат ушын қабыл етилсин.

3. Қанлыкөл районында жәрдемге мүтәж шаңарақларға өзлериниң қәлеўи менен қайырқомлық жәрдемлерин көрсетиў усынысын билдирген кәрханалар дизими 1-қосымшаға муўапық тастыйықлансын.

4. Қанлыкөл районы аймағындағы ҳәр бир исбилерменлик субъекти, фермер хожалықлары ҳәм мәкеме, кәрханалар басшыларына имканиятларынан келип шығып, өзлериниң қәлеў ҳәм усынысы тийкарында кем тәмийинленген ҳәм социаллық қорғаўға мүтәж шаңарақларды үш ай мүддетке бириктириў арқалы материаллық қоллап-қуўатлаў, қайыр-сақаўат жәрдемлер көрсетиў кестеси
2-қосымшаға, жумысқа орналастырыў кестеси 3-қосымшаға;

район аймағында «Қайыр-сақаўат ҳәм көмек» улыўмахалықлық ҳәрекетин системалы түрде шөлкемлестириў бойынша илажлар бағдарламасы 4-қосымшаға;

«Қайыр сақаўат ҳәм көмек» улыўма халықлық ҳәрекети шеңберинде әмелге асырылған жумысларды муўапықластырыўшы Қанлыкөл районлық штаб қурамы 5-қосымшаға муўапық тастыйықлансын.

5. «Қайыр сақаўат ҳәм көмек» улыўма халықлық ҳәрекети шеңберинде кем тәмийинленген шаңарақларға бириктирилген исбилерменлик субъектлери, фермер хожалықлары ҳәм ислеп шығарыўшы кәрханалар басшыларына:

- кем тәмийинленген шаңарақларға материаллық жәрдемлер бериў;

- бирлемши керекли товарларын (азық-аўқат өнимлери ҳәм дәри-дармақлар) жеткерип бериў;

- медицина хызметлери, коммунал ҳәм басқа мәжбүрий төлемлерди әмелге асырыў, балалардың билимлендириў қәрежетлерин қаплап бериў;

- кем тәмийинленген шаңарақлар ўәкиллериниң бәнтлигин тәмийинлеў мақсетинде жумысқа алыў ўазыйпалары жүкленсин.

6.         Аймақларды комплексли социаллық-экономикалық раўажландырыў бойынша сектор басшыларына (Д.Толыбаев, А.Каримбаев, К.Абдуллаев, И.Аймуратов):

халықтың бәнтлигин тәмийинлеў, кем тәмийинленген шаңарақларды ҳәр тәреплеме қоллап-қуўатлаў бойынша тастыйықланған илажлар режесинде орын алған ўазыйпалардың өз мүддетлеринде нәтийжели ҳәм сапалы орынланыўын тәмийинлеў;

пуқаралар жыйынлары кесиминде коронавирус пандемиясы ақыбетинде жумыссыз қалған, кем тәмийинленген шаңарақлардың дизимлерин турақлы түрде үйренип, жаңаланып барылыўын, оларға исбилерменлер ҳәмде фермерлерди ықтярлы түрде бириктирилиўин ҳәм көрсетилип атырған жәрдемлердиң өз мәнзилине жеткерилиўин тәмийинлеў тапсырылсын.

7.         Қанлыкөл районы ҳәкимлиги:

барлық пуқаралар жыйынларында «Қайыр-сақаўат ҳәм көмек» улыўмахалықлық ҳәрекети шеңберинде әмелге асырылатуғын илажларды жоқары дәрежеде шөлкемлестириў;

«Қайыр-сақаўат ҳәм көмек» улыўмахалықлық ҳәрекети шеңбериндеги басламаларда белсене қатнасқан исбилерменлер ҳәм фермерлерге мәмлекет тәрепинен көрсетилетуғын жәрдем ҳәм жеңилликлердиң берилиўин шөлкемлестириў;

«Қайыр-сақаўат ҳәм көмек» улыўмахалықлық ҳәрекети шеңберинде халықтың жәрдемге мүтәж қатламын ҳәр тәреплеме қоллап-қуўатлаўға мүнәсип үлесин қосып киятырған исбилерменлерди хошаметлеў ҳәмде сыйлықларға усыныў илажларын көрсин.

8. Халық депутатлары Қанлыкөл районлық Кеңеси депутатларына:

карантин дәўиринде аўыр аўҳалға түсип қалған шаңарақларды анық ҳәм мәнзилли тийкарда социаллық қоллап-қуўатлаў, сондай-ақ, қыйтақ жерлеринен нәтийжели пайдаланбай атырған жер ийелери менен түсиник жумысларын алып барыў, ушырасып атырған машқалаларды үйрениў ҳәм оларды сапластырыў илажларын көриў;

«Қайыр-сақаўат ҳәм көмек» улыўмахалықлық ҳәрекети шеңберинде қәлиплестирилген режелерди өзлери сайланған округлеринде орынланыўын қадағалаўды тәмийинлеў:

«Қайыр-сақаўат ҳәм көмек» улыўмахалықлық ҳәрекети шеңбериндеги басламаларда белсене қатнасқан исбилерменлер ҳәм фермерлерге мәмлекет тәрепинен көрсетилетуғын жәрдем ҳәм жеңилликлердиң берилиўи бойынша депутатлық қадағалаўды алып барыў;

коронавирус пандемиясының экономикамызға унамсыз тәсирин кемейтиў мақсетинде көрилип атырған илажлар, әсиресе, «Қайыр-сақаўат ҳәм көмек» улыўмахалықлық ҳәрекети шеңберинде әмелге асырылып атырған жумысларды халық арасында, ғалаба хабар қуралларында ҳәм социаллық тармақларда кеңнен үгит-нәсиятлаўды тәмийинлеў ўазыйпалары жүкленсин.

9. Қанлыкөл районы ҳәкимлиги мәлимлеме хызмети (О.Садатдинова), “Қанлыкөл хабарлары” газетасы редакциясы (М.Дарьябаев) «Қайыр-сақаўат ҳәм көмек» улыўмахалықлық ҳәрекети шеңберинде әмелге асырылып атырған илажларды ғалаба хабар қураллары арқалы кең түрде сәўлелендирип барыў тапсырылсын.

10. Усы қарардың орынланыўын қадағалаўды өз жуўапкершилигимде қалдыраман.

 

Сессия басқарыўшысы

 

Д.Толыбаев

 

 

 

Сессия хаткери

 

Т.Бекниязов