Қанлыкөл районы аймағында барлық хожалық жүргизиўши субъектлерге ҳәм пуқараларға тийисли болған автотранспорт қуралларын ҳәм тиркемелерин мәжбүрий техникалық көриктен өткериў ҳаққында

Өзбекстан Республикасы Министрлер Кабинетиниң 2003-жыл
31-январьдағы 54-санлы қарары менен тастыйықланған «Транспорт қуралларын мәжбүрий техникалық көриктен өткериў тәртиби ҳаққында»ғы Реже (Өзбекстан Республикасы Ҳүкимети қарарлары топламы, 2003-жыл N 1-2, 17-статья)сине ҳәм Қарақалпақстан Республикасы Министрлер Кеңеси жанындағы жол ҳәрекети қәўипсизлигин тәмийнлеў комиссиясының 2019-жыл 7-январьдағы                            03-08/13-01/3-санлы баянламасына тийкар район аймағындағы барлық хожалық жүргизиўши субъектлерге ҳәм пуқараларға тийисли болған автомототранспорт қуралларын ҳәм тиркемелерин мәжбүрий техникалық көриктен өткериў мақсетинде

 

ШЕШИМ ЕТЕМЕН:

 

1. Транспорт қуралларын мәжбүрий техникалық көриктен өткериў бойынша районлық комиссияның қурамы 1-қосымшаға, район аймағындағы мекеме, кәрхана, шөлкемлердиң транспорт қуралларын мәмлекетлик мәжбүрий техникалық көриктен өткериў кестеси 2-қосымшаға муўапық тастыйықлансын.

2. Районлық Ишки ислер бөлиминиң жол ҳәрекети қәўипсизлиги бөлимшеси (Д.Юлдашев), транспорт қуралларын мәжбүрий техникалық көриктен өткериў ушын мүлкшилик түрине қарамастан райондағы зәрүр шәраят ҳәм үскенелерге ийе болған техника хызметин көрсетиўши кәрханаларды анықлаў ҳәм олар менен шәртнама дүзиў ўазыйпасы тапсырылсын.

3. «Транспорт қуралларын мәжбүрий техник көриктен өткериў тәртиби ҳаққында» ғы Режениң 1-бөлим 5-бәнтиниң «а» киши бәнтиндеги транспорт қуралларының техникалық көриги:

а) жолаўшы тасыўда пайдаланып атырған жеңил автомобиллер, автобуслар, киши автобуслар, адамларды турақлы түрде тасыў ушын қайта үскенеленген жүк автомобиллери, үлкен габаритли, аўыр ҳәм қәўипли жүклерди тасыў ушын арнаўлы транспорт қураллары ҳәм олардың тиркемелери бир жылда еки мәрте биринши басқыш 2019-жыл 1-марттан 30-июнға шекем, екинши басқыш 2019-жыл 1-сентябрьден 31-октябрьге шекем мәжбүрий техникалық көриктен өткерилиўи;

б) жеке меншик транспорт қуралларын 2019-жыл 1-январьдан 31-август аралығында ҳәмде 2019-жыл 1-марттан 30-июнь аралығында халық хожалығы есабындағы транспорт қуралларын мәжбүрий мәмлекетлик техникалық көриктен сапалы ҳәм нәтийжели өткериў белгиленгенлиги мағлыўмат ушын қабыл етилсин.

4. Райондағы мекеме, кәрхана, шөлкем ҳәм жәмийетлердиң басшылары есабындағы транспорт қуралларын мәжбүрий техникалық көриктен сапалы өткериўге таярлаў иләжларын көриў тапсырылсын.

5. Райондағы барлық мекеме, кәрхана, шөлкем ҳәм жәмийетлер, меншигинде транспорт қураллары болған пуқаралар өз транспорт қуралларын белгиленген мүддетлерде мәжбүрий техникалық көриктен өткериўге алып келиўин, техникалық жақтан сазлығын ҳәм оларды жарамлы түринде алып келиўин тәмийинлесин.

6. Усы шешим районлық «Қанлыкөл хабарлары» газетасында транспорт қуралларын мәжбүрий техникалық көриктен өткериў басланғанлығы ҳәм өткериў мүддетлери газета бетлеринде жәриялансын.

7.  Усы шешим рәсмий жәрияланған күннен баслап күшке киреди.

       8. Усы шешимниң қабыл етилиўине байланыслы район ҳәкиминиң
2018-жыл 15-февраль күнги 214/02-санлы шешими өз күшин жоғалтқан деп табылсын.

9. Усы шешимниң орынланыўын қадағалаў район ҳәкими орынбасары М.Мамбетрзаевқа ҳәм районлық ишки ислер бөлими баслығы М.Хожамуратовқа жүкленсин.

 

 

Ҳәким ў.ў.а.:-                                           Б.Аннакулов