Район аймағындағы автомобиль жолларына «Жол ҳәрекети қәўипсизлигин алдын алыў  мақсетинде жол белгилерин орнатыў ҳаққында»

Өзбекстан Республикасы Министрлер Кабинетиниң 2015-жыл
24-декабрьдеги 370-санлы Қарары менен тастыйықланған ҳәм 2016-жылдың
1-мартынан баслап күшке енген “Жол ҳәрекети қағыйдалары  ҳаққында”ғы рәсмий көрсетпесин басшылыққа алып ҳәм районлық ишки ислер бөлиминиң 2019-жыл 3-апрель күнги 7/758-санлы хатын үйренип шығып, «Жергиликли мәмлекетлик ҳәкимияты ҳаққында»ғы Өзбекстан Республикасы Нызамының 6-статьясына тийкар

Ш Е Ш И М     Е Т Е М Е Н

 

1. Районлық ишки ислер бөлиминиң 2019-жыл 3-апрель күнги                 7/758-санлы хаты  мағлыўмат ушын қабыл етилсин.

2. Районлық жоллардан пайдаланыў унитар кәрханасы (Т.Хожаметов):

   - Район аймағындағы жергиликли әҳмийетке ийе 4 н 88 «Алтынкөл-Бегжап насос станция-Қарабайлы темир жол бәндиргиси» жолының «Алтынкөл гузары» көшеси бойындағы Қанлыкөл педагогика коллежи имәраты алды жолына ҳәмде  Н.Даўкараев көшесинде жайласқан 21-санлы мектеп имәраты алды жолына (5.16.1, 5.16.2) «ПИЯДАЛАР ӨТИЎ ОРНЫ» жол белгисин,

   - Бахытлы көшесинде жайласқан 19-санлы балалар көркем өнер ҳәм музыка мектеби имәраты алды жолына (5.16.1, 5.16.2) «ПИЯДАЛАР ӨТИЎ ОРНЫ» жол белгиси ҳәм (3.24)  ҳәрекет тезлиги «50 КМ/С» артыққа асырыў қадаған белгисин,

  - Ғәрезсизлик көшесинде жайласқан 1-санлы, 10-санлы мектепке шекемги билимлендириў мәкемелери ҳәм Районлық медицина бирлеспеси имәратлары алды жолына (3.28) «ТОҚТАП ТУРЫЎ ҚАДАҒАН» жол белгисин,

  -  Дослық көшесинде жайласқан 19-санлы мектеп имәраты алды жолына (5.16.1, 5.16.2) «ПИЯДАЛАР ӨТИЎ ОРНЫ» жол белгисин,

  - Халықаралық әҳмийетке ийе А-380 «Гүзар-Бухара-Нукус-Бейнеў» автожолының Қанлыкөл районы аймағынан өтиўши 840-841-километри аралығында жайласқан 24-санлы мектеп имәраты алды жолына (5.16.1, 5.16.2) «ПИЯДАЛАР ӨТИЎ ОРНЫ»  жол белгисин,

  -  Наўрыз АПЖ аймағында жайласқан 2-санлы мектеп имәраты алды жолына (5.16.1, 5.16.2) «ПИЯДАЛАР  ӨТИЎ ОРНЫ»  жол белгисин орнатыў;

- район аймағындағы жергиликли әҳмийетке ийе 4 н 71 «Алтынкөл темир жол бекаты-Қыят аўыл» жолына (3,28) «ТОҚТАЎ ҚАДАГАН» жол белгилерин районлық ишки ислер бөлими жол ҳәрекети қәўипсизлиги хызмети менен биргеликте тийисли тәртипте орнатылыўын тәмийинлесин.

3. Районлық абаданластырыў басқармасы (А.Бегдуллаев) район аймағындағы ишки автомобиль жолының 01 005 ТМК 18-санлы Н.Даўқараев көшеси бойының (Ғарезсизлик көшесине тутас жолы тәрепине), 01 005 ТМК 19-санлы Бахытлы 1 көшеси бойының (Ғарезсизлик көшесине тутас жолы тәрепине), 01 005 ТМК 43-санлы Дослық көшеси бойының (Ғарезсизлик көшесине тутас жолы еки тәрепине), 01 005 ТМК  55-санлы Өзбекстан көшеси бойының (Ғарезсизлик көшесине тутас жолы еки тәрепине), 01 005 ТМК 67-санлы Қарақалпақстан көшеси бойының (Ғарезсизлик көшесине тутас жолы еки тәрепине) «ЖҮК АВТОТРАНСПОРТЛАРДЫҢ ЖҮРИЎИ ҚАДАҒАН» белгилерин районлық ишки ислер бөлими жол ҳәрекети қәўипсизлиги хызмети менен биргеликте тийисли тәртипте орнатылыўын тәмийинлесин.

4. Районлық ишки ислер бөлими жол ҳәрекети қәўипсизлиги топары (Д.Юлдашев),районлық жоллардан пайдаланыў унитар кәрханасы (Т.Хожаметов) ҳәм районлық абаданластырыў басқармасы (А.Бегдуллаев) менен биргеликте район аймағындағы автомобиль жолларының тийисли орынларына жол ҳәрекети қәўипсизлиги қағыйдалары тийкарында ««ЖҮК АВТОТРАНСПОРТЛАРДЫҢ ЖҮРИЎИ ҚАДАҒАН»  (3,11), «ТОҚТАЎ ҚАДАГАН (3.28) жол белгилериниң  орнатылыўын қадағалаўға алынсын.

5. Усы шешимниң орынланыўын қадағалаў район ҳәкиминиң орынбасары М.Мамбетрзаевқа жүкленсин.

                              

 

                          Район ҳәкими                                           

 

Д.Толыбаев