Шаңарақ исбилерменлери ушын жаңа баслама

Өзбекстан Республикасы Министрлер Кабинетиниң 2018-жыл 30-июльдағы «Шаңарақ мәмлекетлик емес мектепке шекемги билимлендириў мекемелерин шөлкемлестириў ҳаққында»ғы 595-санлы қарары талаплары тийкарында, республикамыздың барлық орынларында шаңарақ мәмлекетлик емес мектепке шекемги билимлендириў мекемеси шөлкемлестириледи.

Шаңарақ мәмлекетлик емес мектепке шекемги билимлендириў мекемеси шөлкемлестириўдеги тийкарғы мақсети, мәҳәллелердеги пуқараларды шаңарақлық  исбилерменликке тартыў, балаларға тәлим-тәрбия бериў, мектеп тәлимине басланғыш сыпатлы билим бериў, мектепке таярлаўдан ибарат болып, ҳәр бир жеке шаңарақларда шөлкемлестириўге рухсат етиледи.

Шаңарақ мәмлекетлик емес мектепке шекемги билимлендириў мекемеси шөлкемлестириў ушын төмендеги мағлыўматлар менен танысыўыңызға болады:

         Лицензия талап етилмейди,

         Кредит берилмейди,

Мәмлекетлик хызмет көрсетиў орайынан дизимнен (печать, устав                                   бериледи) өтиледи,

Мекемеде бала саны 12 баладан аспаўы керек,

1 тәрбияшы (жоқары мағлыўматлы педагогикалық стажға ийе),                         

1жәрдемши тәрбияшы ҳәм сол аймақтағы аўыллық шыпакерлик поликлиникасы ҳәмширасы бириктириледи,

Аўыллық жерден шөлкемлестириледи,

Исбилермен пайда алыў ҳуқықына ийе,

Мекемедеги инвентарлар, ис ҳақы, азық-аўқат мәмлекетлик субсидиялар есабынан бериледи,

Ата-ана төлеми мәмлекетлик баҳада  аўыллық жерде 1балаға  (62 500сўм), бир шаңарақтан  2 балаға (100 000сўм) жеңилликлер бериледи.

Пуқаралар ҳәм исбилерменлер ортасында шаңарақ  мәмлекетлик емес мектепке шекемги билимлендириў мекемеси шөлкемлестирилетуғын мәнзил санитария ҳәм өрт қәўипсизлиги талапларына жуўап бериўине, балаларға толық тәлим-тәрбия бериўди тәмийинлеўши шәрт-шәриятлардың барлығына жеке тәртиптеги исбилерменниң мағлыўматы, тәжирийбеси, саламатлығы, жәмийетте тутқан орны ҳәм дәрежесине айрықша итибар қаратылады.

Усыныс етилип атырған исбилерменниң ҳүжжетлер топламы Нызам талаплары тийкарында таярланыўы жергиликли ҳәкимият ўәкиллери дүзилген исши топар тәрепинен жуўмағы усыныс етиледи.                                                                                                                                                                   Қанлыкөл районлық Мектепке шекемги билимлендириў  бөлими,

Мағлыўмат ушын телефон:  (861)  332-17-09